القصيده التي اثارت غضب بنات الخليج .. ومعاها ردود

[البحر]

هذه قصيده كتبها احد الخليجين بعد قدومه من المغرب خلونا نشوف وش قال :


ياللي تنشد عن علوم الــــــذي طاف .. كل البحور وكل دوله وديـــــره

خذ من علومي علم اوصافه اوصاف .. جزل سمين يشتعل له ســعيده

الزين عقب المغربيات ينــــــــــــعاف ..غيد لهن بالزين ذكره و ســـيره

فيهن حلا طاغي ولين و تــــــــعطاف .. وفيهن حنان يشعل القلب غيره

حلوات وصف وفاهــــمات بالاعراف .. زيننات منطق صافيات السريره

بنات قوم طيبهم غصــــــــــــب ينشاف .. اولاد مغرب بالليالي العســـــيره

ياللي تنشد عن علومي بالانصــــــاف .. هرجي يكفي صامله عن كثـــيره

الزين في لميا وتغريد و الطــــــــــاف .. ماهوب في حصه و كشره و منيره

-----------------

الرد اللى يبرد القلب

قال الذي في بدع الامثال صراف .. جزل يفرق بين درهم وليـــره


ياللي مدحت المغربيات بجـــحاف .. الله يجيرك من عماه البصـــــيره


لو تعجبك لميا وتغريد والطــــاف .. مايصلحن لهل الوجيه الســـــفيره


مفصخات و لبسهم حـول الارداف .. وبليس اغواهم بكشف الستيره


متعودات كلهم زيف وخفـــــــــاف .. على التغنج والتعطف وغيره


كل يوم مع صاحب و لافيهم اعفاف .. خويهم اللي فلوسه كثيره


ترى البضايع عده اشكال و اصناف .. وكل ينوخ وسط سوقه بعيره


عز الله ان الطيب في بنت الاشراف .. اللي على الحشمه تربت صغيره


ولا تبين منها كود الاطــــــــــــــراف .. مثل القماشه فالبحور الغزيره


ياللي تدور بالجواهر و الاصـــــــــداف .. الزين كله في بنات الجزيره

-----------

وهذا رد للمرحوم طلال الرشيد (( الملتاع )) .. الله يرحمه

يابن الحلال ان طعتني خل الاســـراف .. واترك جمال الغيد لاهل البصيــــره

الزين موبس في الملامح والاوصـــــاف .. الزين روح وعفه وطيب سيــــــــره

مانيب من يهوى سريا وانصـــــــــــــاف .. انا هواي وبس بنت الجزيــــــــــره

بنت الخليج اللي تماري بالاعــــــــراف .. وحنا نماري باسمها كل ديــــــــره

مالي غرام بقول وخا وبالـــــــــــــــزاف .. اذبحتني عند الطرحه المستديــره

احب قولة ياهلا وعل وماخــــــــــــلاف .. من بنت ثوبي بنت الارض النضيـره

اللي تحلاها الظبي حلو الاطــــــــراف .. جمال في عفه ورقه وغيــــــــــــره

واللي بها سحر مهو سحر عــــــــراف .. ياعل عين ماتراها ضريــــــــــــــــره

عطف وحنان وذوق في لين الاعطــاف .. والى كشفت لثامها شفت أميـــره

صعب على اللي بالردي شاف ماعاف .. وحلوه علىاللي سنه الله ضميــره

شمس الى من اشرقت والدجا طـاف .. غابت نجومك غصب لو هي كثيــره

السيف مايزهى سوى كف سيـــــاف .. والخيل دون حصانها مستخيـــــــره

بس أنت دورلك على قدك لحــــــــاف .. وان طعتني دور بدلنا عشيـــــــــره

[رحــال]

مشاركه رائعه وجميله وحياك الله معتا

[royal]

السلام عليكم................

الأخ بحر.......

ابحرنا في قصيدتك ابحار .............و وصلنا للمغرب وجينا
مالقينا غير الأسي والعار ...............والخليج مكان الزاهدينا
قول من ظمن الأبحار ................ ابحار الشعر للعارفينا

[الأنيــــق]

قصائد رااااااااااااااائعة بصراحة

ونقل مميز من المميز دوماً ( البحــر)

يعطيك العافية ياغالي،،،

[رحــال]

اشكر الاخ / البحر على هذه المشاركه
صحيح من راح لبلد غريب هدفه مثل هدف هذا الشخص الذي كتب القصيده ويمدح فيها بنات المغرب
راح يضيع حتى من كتابته للقصيده يدل على اهتمامه في بنات بلد المغرب الله يكفينا الشر وتعارفه على اكثر من
بنت حسب قوله بالقصيده انا اتمنا ان يرجع الى عقله وان ينصف في بنات الخليج وخاصتاً بنات ديرتي المملكه العربيه السعوديه بنات الحشمه والجود والكرم بنات بستر ودين معروفات
انا كتبت رد عليه بقصيده اتمنا انها تعجب الجميع وتكتفي بالرد عليه كي يعرف معناها واتمنا ان الله يصلحه
ويهديه الى درب الصواب

قلت:



يازين الستر عندنا والحشمه والاوصاف=يازين بنت ديرتي لعرفة الغيره

تراك لفيت يسار بقوة انعطاف= بين لميا وتغريد وضيعت البصيره

لابسات القصير بكل الشوارع تنشاف=كم يد تمسك وبكم تعيره

يطير اللي بجيبك وتصفق بالاكفاف= كم شخص انتها بذيك الديره

رحت لليابس بين جوع وجفاف=ضعت بين ذي وذيك وغيره

الدرب يمين لاتضيعك لميا ولطاف=اشكر رب العالمين لستره وخيره

ديرتي دين وستر بناتها ماتنعاف=محشومات بالستر يالي تدور تثيره

سهراتك معاهن يبغالك بف باف=يالله دخيلك من الامراض الغزيره

لجيت من المغرب بالقائمه منضاف=معزول هناك تكفون ياشبابنا الحذيره

يالله سترك تلطف بشبابنا الطاف=يالله ياكريم يالي الكل تديره

يابنات ديرتي بعيد عنكن الاجحاف=والي معرفكن يضيع بحر وبحيره

تغزل فيكم شيوخ وش الطاف=معروفات بالحشمه هذا ناكر قصيره

والي يجر ثوبه وراه ينعاف=يضيع بالتلفازومشاهدة الفنانه شكيره

[البحر]

الأخ رويال



وعليكم السلام ورحمة الله وبركاته

وشكرا للأخوين الأ نيق ورحال والى الأمام يا منتدى ينبع الصناعية

أخ رحال يا شاعر المنتدى الهمام اشوف الأخ رويال هجاني بأ بيات من الشعر

وانا لست بشاعر

تكفى ردي لي عليه بكم بيت من الشعر ساحقة ماحقة :D:D :Dلا يقول في الشعر بعدها شيئا الأ خ رويال


ههههههههههههههههههههه

ولكم تحياتي

[رحــال]

ساحقه ماحقه حلوه ههههههههههههههه

يعطيك العافيه اخوي البحر

نتمنا من الجميع ان يشارك بهذا الموضوع

[royal]

السلام عليكم ...........

الأخ العزيز البحر...........

هجيتك هههههههههههههههههههههههه مشكله والله ابغي امدح سرت هجيت هههههههههههههه

العذر منك يا خوي تري الشعر قلاب (ما هو ونيت) والفهم علي قد الحال...........

سحقتني بقولك لرحال .............. ترى الشعر غريب اطوار
لا تحسبني شاعرٍ أو رحال ............. انا ماني إلا عبد يسأل الغفار

[جيلاني]

مرينا وشفنا وقرينا
وشاعرنا وشاعر المنتدى ابدع في الرد
شاعر رحال وبقوه الله يعطيك العافيه انت والكاتب والجميع
سلام

[رحــال]

هلا اخوي جيلاني الله يعطيك العافيه على مرورك
اشكرك اخوي جيلاني مسوينا شي ..... لهالحين تبغاني ارد عليه بقصيده ثانيه ويعرف الله حق
هههههههههههههه

يكفيني مرورك واطلا عك عليها وانشألله تكون في محلها مع العلم اني نشرتها في جريدة عكاظ في عدد سايق مع مجموعات من القصايد