هل معهد جدة الدولي معتمد من قبل وزارة التربية والتعليم

[مها]

السلام عليكم ورحمه الله وبركاته

حابه استفسر عن معهد جدة الدولي هل هو معتمد من قبل وزارة التربية والتعليم أم لا وماهي المعاهد المعتمدة في مدينة ينبع الصناعية

[وهج]

هلا بك مها

والله ياعزيزتي

الصراحه انا كنت مسجله في معهد جده دبلوم حاسب تربوي وعلى ديك الايام ماكان في غيره

المهم وانا من ضمن اول دفعه تخرجت من المعهد وقالوا لنا ان المعهد معترف بيه من وزاة التربية والتعليم
طبعا معترف كمان من جامعة الملك سعود

وحاليا انا موظفة في احدى الروضات طبعا عن طريق وحده لكن لمن وريتهم الشهادة حقتي قبلوها

وحاليا بروح اقدم ملفي في مكتب التوجيه عشان اتعين رسميا ان شاء الله في دي الروضة..


في ناس يقولوا انهم لمن سالوا عن المعهد في وزارة التربية والتعليم قالوا مو معترف بيه

وناس قالت معترف وانا الصراحه خايفه اودي ملفي ويطلع العكس ويارب يكون معترف ..

لكن عندك في معهد اسمه الاكاديميه الكندية يقولوا معترف

الحلو فيه انهم متعاقدين مع شركة جدارات وعن طريق دي الشركه يتوظفوا المتخرجات على طول في المدارس

ودحين جالسين يبنوا مبنى لجدارات جنب النجمه بس لسه ماخلص

فانتي قرري المناسب لكي وتوكلي على الله


سمعت انه راح يفتح حاجة تانيه معرووفه على مستوى العالم

الا هوا نيو هريزان << مدري هي كدا تتنطق الصراحه اسمه صعب

المهم دا المعهد معتمد ميه الميه وموجود بكل مكاان في جده اذا سمعتي عنه


ان شاء الله قدرت افيدك :)

[مها]

شكرا أختى وهج وإذا أتكدت قولي لي هل هو معتمد ولا لا وبالنسبة لمعهد جدارات ونيوهرايزون أعرفها بس ماأقدر

أستنى إذا مطعم كودو والبيك لوه سنتين وكل شويه يقول حيفتح وهو من زمان يبنوا فيه .

[سمارا]

شكله مافيه غير انا ووهج نحكي عن معهد جده
من تجربتنا فيه..
شوفي اختي مها المعهد معتمد من جامعة الملك سعود قسم نادي الحاسب الالي
أنا شفت الشهاده
وعن إعتمادها من الوزاره فهو مكتوب على الشهاده من فوق يعني معتمد بس العقد اللي مع الجامعه أنا شفت صوره منه
لانه الناس بدوا يشككوا في الاعتماد فطالبناهم بشي يثبت الاعتماد وورونا الشهاده
أتمنى إني أفدتك
تقبلي خالص تحياتي
أختكم سماااراا

[مها]

شكرا أختى سمارا أن سمعت أنه معتمدة من جامعة المللك سعود أما بالنسبة للشهادة الى شفتى صورة منها كيف

أتأكدت أنها صدرت من جامعة سعود وليس من المعهد (مجال المعهد فيه حاسب فممكن تكون الشهادة من تصميمهم)

حتقولى لى ليش تقولي كذا أقولك أن أختى كانت داخله معهد وقالو لها أن الشهادة معتمدة من الجامعة الى في

المنطقة الشرقية نسيت أسمها وفي النهاية طلعو كذابين وفيه كثير انسحبو من المعهد بعد هذي الحركة أما بالنسبة

لكلمة معتمدة من قبل وزارة التربية والتعليم الى قلت أنها موجودة في الشهادة سهل أن المعهد يضع كلمة معتمدة

من قبل الوزارة زي شهادة المدارس بالله من يسويها غير المعلمات وهم الى يكتبو كلمة معتمدة من قبل الوزارة أبغى

أتأكد أكثر من كذا أختى سمارا وإذا أنت متأكدة مرة من كلامك رد على وأمرى لله بدخل المعهد على أساس كلامك

بس أتاكد وإذا عندك رقم لإحد في التوجيه نستفسر منه عن المعاهد المعتمدة وشكرا لمرورك.

[سمارا]

أختي مها الشهادة اللي شفتها شهادة المتخرجات اللي هم دفعت السنه اللي راحت
هم طلعوها لنا وكمان طلعوا لنا العقد اللي قلتلك عليه
وهم لهم كم سنه وفاتحين كم فرع على مستوى المملكه..
ومو معقوله يكتبون إنه معتمد وهو غير معتمد؟؟
أنا ما أشجعك تدخلي المعهد ولا غيروه
أنا كل اللي قلته شي شفته وحبيت أنقلك هوه..
ولو تقدري قبل لا تسجلي قوليلهم أبغى أشوف شهادة الاعتماد
وهم ماراح يقصرو معاكي
وحاولي ماتدفعي كامل المبلغ إلا لماتكوني واثقه 100% إنك راح تكملي
تقبلي خالص تحياتي
أختك سمااارااا

[مها]

شكرا أختى سمارا على تواصلك ولك جزيل الشكر.

[وهج]

أختي مها الشهادة اللي شفتها شهادة المتخرجات اللي هم دفعت السنه اللي راحت



8
8
8
وي شهاداتنا :11ap:


على العموم يا اخت مها والله انه محد يدري من الصادق ومين الكداب

لكن معهد جده له فروع بكل مكان في جده في الشرقيه في الطائف وووو

وكلهم مكانهم استراتيجي

وان شاء الله بيكون معتمد

ويوم الاربعاء انا بشووف لاني بروح مكتب التوجيه

[وهج]

نسيت اقولك

مثل ماقالت سمارا لا تدفعي فلوسك كلها


اصلا انصحك انك تدفعي بالتقسيط كل ترم تدفعي حقه

لا تدفعي كااش

[مها]

شكرا وهج على النصيحة بس عندى طلب صغير إذا رحتى التوجيه أسالى عن المعهد هل هو معتمد وماهو المعهد الأفضل

في ينبع الصناعية هل معهد جدة الدولي أم الإكاديمية الكندية ولك جزيل الشكر.

[sozana]

هلا وغلا بمها وسمار ووهج اضم اسمي معاكم لاني من طالبات معهد جده الدولي
ارحب فيكم خواتي واحب افيدك يالغاليه انو فعلا معهد جده الدولي معهد شهادته معتمد ه من وزارة التربية والتعليم ومن جامعة اللك سعود ولكن مو بكل الدبلومات عزيزتي
دبلوم الحاسب التربوي معتمد فقط من جامعة الملك سعود اما باقي الدبلومات الجديده الان مثل البرمجه وادارة الاعمال فهي معتمد من الطرفين يالغاليه ؟
اتمنى اني اكون افدتك واي طلب اخر من عيوني ؟؟؟؟؟؟امري

[sozana]

:f039: هلا وغلا بمها وسمار ووهج اضم اسمي معاكم لاني من طالبات معهد جده الدولي
ارحب فيكم خواتي واحب افيدك يالغاليه انو فعلا معهد جده الدولي معهد شهادته معتمد ه من وزارة التربية والتعليم ومن جامعة اللك سعود ولكن مو بكل الدبلومات عزيزتي
دبلوم الحاسب التربوي معتمد فقط من جامعة الملك سعود اما باقي الدبلومات الجديده الان مثل البرمجه وادارة الاعمال فهي معتمد من الطرفين يالغاليه ؟
اتمنى اني اكون افدتك واي طلب اخر من عيوني ؟؟؟؟؟؟امري

[memeee]

هيا من ناحية انها معتمده فيها معتمد والختم موجود لكن واللى ما بعرف فيه حد بيعرفه اولا انا من اللى قدموا في مكتب الاشراف التربوي بينبع على الوظائف وادا بهم يقولون لي انه الشهاده مو متعرف بيها الا ادا كان معاكي بكالوريوس او او شهاده من كلية التربيه تدعم بس، طبعاً قالولي كمان انه هدي شهادتك تقدري تقديمي فيها في وظيفه في معهد او بنك او اي وظيفه بس مو رسميه اكيده .
اتمنى اكون افدتك والله يوفق الجميع.

[alandalib]

السلام عليكم

شكرا لكم جميعا لهذا الموضوع المهم جدااا


لأن بصراحه كل الناس تدخل دورات وما تسأل اذا كان معتمد ولا لا

المفروض وزارة التربيه تعطينا قائمه بالمؤسسات المعتمده لديها الي تقدم دورات ودبلومات

بدل ما يتركوا التاس ضايعين يسألوا هنا وهناك .

على العموم شكرا على الموضوع

ويعطيكم العافيه

العندليب الاسمر