هيفاء التميميه....ترثي اخت لها في الله

[البحر]

تـِـمكــَّــن يااخر أوجاعي من أخمص هالقدم للراس-

تســـــاوت عندي الدنيا بعد ماماتوا احبابـــي

وش اللي لي بقى حتى أداري واكبت آلاحســـــــاس-

وش اللــــي لي مضى حتى أهج لنفحته بابي؟

همومي يابشر ظـــــــــلي تردد بي مع آلانفـــــــاس-

وقلبي مضــــغة ٍ ياما تداعت واظهرت مابــي

تقاطيعـــــــــــي لو أتجلد واقول اني قوية بـــــاس-

طغى جور الدَمِــعْ حتى اشوف الدمع بثيابي

وماتت شعلة الدنـــيا وداااعا يااجمل الجــــــــلاس-

وداعا يااطهــــــر حروف القصايد داخل كتابي

انا مابي من الدنيا بعد (ماطيـــــــــــــــحوا هالفاس)-

سوى عفو الكريم اللي بانوخ عنده ركـــــــابي

ألا ياحيي وميتي \ ومُـتـِّــي ؟ يا(بعد) هالنـــــــاس-

بردد لك (بعد) مهما سبقتي حزة غيـــــــــــابي

أنا يادنيتي وياكــــــــــــل كلي بعلــــن آلافــــــلاس-

مدامك يااخـِـر احبابي رحلتي وباهجر ترابـــــي

وداعا ياقسى ذكر الوداع اللي حداه اليـــــــــــــاس-

كأني مت من قلت الــوداع ومفرقي شابــــــــي

ومشهدك الاخير أقوى على نفسي من (الوسواس)-

هذاك اسج عنه وذا معي مافارق اهدابــــــــــي

ترى ماهو جزع مني ولكن الوفا نبـــــــــــــــراس-

معك قبل الممات وبعْـد ماسهم القضا صابــــــي

اذا ماينتعل هالحزن روحي والـــحشا ينــــــداس-

احس اني منيب " هيفا " واعيد لحزني حسابي

تركتينا وكان أقصى طموحك واعذب الهوجاس-

طفل لي جلجل بـ "يُـمَّـه"سلب مع لبك البابي

وكانت غايتك ثوب الزفاف وبهجة آلالمـــاس-

تِــحف بْــك وتمنيتي ولكن الأمل ذابــــــــــي

مضى يوم ٍ على موتك ولا فارقني الخنــــــــاس-

مشيتي في (دهر)دمي وسكنتي (معبر)اعصابي

ورحتي ؟ من بقى للطهر ياويلي من آلانجاس-

سواد ٍ يطمس عيون البياض ويمحي (اقرابي)

كذا أعمتني الصدمه عدا عن مشهد آلادناس-

وهم في غيهم ماكِن في (كُـن) امرهم خابــــي

فداك اللي حَــيُـوُا بعدك مخاوين (الخنا والكاس)-

نسوا من لانسى وعد ٍ قطعه مقدّر اسبابـــــــي

فداك العين ياشوفي أنا مابي بعدك نعاس-

فداك الخاطر اللي من \عذابك زِلزِل وطــــــــابي

صهرني موتك وقلبي فغمرات العنا غطـــــــاس-

غريق ٍ مااحتمله الموج يوم انه تلوابــــــــــــي

(ركيكه هالقصيده والكسور تعج( منها) بالقـــــرطاس)-

فقدت العقل ياكيف ابركز واضبط (الباقــــي)

بقلم الشاعره :هيفاء التميميه

[رحــال]

يعطيك العافيه اخوي البحر نقل مميز واختيار رائع من مشاعر جميله

[الملك الحزين]

يعطيك العافية على الموضوع الجميل