قصائـــد(الشاعر)الامير عبدالرحمن بن مساعد؟؟؟؟

[رحــال]

http://www.al3na.com/ram/3bdr7man_bnmsa3d/ahmad_sl amh.ram


http://www.al3na.com/images/sh3ra2/3bdr7man_binmsa 3d.jpg

إن شاء الله تعجبكم

وانتظر مشاركاتكم

[Qween Of Heart]

مع الاسف ما اشتغل الصوت عندي

لكن اكيد حلوووووووه

ما اشك في ذوقك

[الأنيــــق]

مأشنغلت يارحال للأسف....

بالفعل هي قصيدة جميلة جداً وتمنيت أسمعها لكن أشوف لو تكتبها وتنزلها أحسن...

مع الشكر والتقدير..

[رحــال]

هـلا كوين حياك الله واشكرك على مرورك

هلا والله بالغالي هلا فيك اخوي الانيق

انا مادري هي تشتغل عندي بس ليش ماتشتغل عندكم فيه واحد قلي نفس الكلام هذا

ابشر اخوي الانيق راح انزلها نصيه في اقرب وقت ومعليش على التاخير الجهاز كان في العنايه المركزه

يكفي مرورك انت والاخت كوين اشكركم

[رحــال]

في زمن وهمي من الأزمان
كان ياما وياما كان ..

سلطنة وسلطان ..

وف يوم من الأيام ..

يتصفح السلطان جريدة ..

موضوع يسترعي اهتمامه ..

أحمد محمد سلامة ..

فـرد من أفراد شـعبه ..

يائس وأوضاعه صعبه ..



في الصبح يشتغل بواب ..

في مدرسة أطفال ..

وفي الليل يشتغل شيّال ..

عنده ثلاث عيال

فيهم مرض نادرعضال ..

ماله علاج إلا فبلدان بعيدة ..



كلفته ما يحتملها وفاقته أصلاً شديدة ..

انسدت الدنيا أمامه ..

وارتأى أن الطريقة الوحيدة ..

لفتح أبواب الأمل ..

انه يوجه ندا .. عبر الجريدة ..

لاهل الكرم .. واهل الشهامة

تبرق .. في عين سلطان البلاد غمامة ..

ويهطل الدمع من عينه ..

يمسح الدمع بكفوفه ..

ويخلع العمامة ..

ويرفع للسما راسه ..

ويقول ..

ياربي الفرد الصمد ..

سترك وعفوك ..

ألهتنا عن الناس ..

أمور الحكم والسياسة ..

ينادي سلطان البلد :



يا حاجب ..

استدعي معالي وزير السلطنة الأول .. رعد ..



يجي رعد .. ويبدي ولاَءه واحترامه ..

ـ صاحب المجد والكرامة ..

سيدي السلطان أمرك ..

ـ أي كرامة يا رعد .. أي كرامة

والمواطن في البلد .. ضايع مقامه ..

اتركك عن هالحكي .. واسمعني زين

هذي مليونين خذها ..

وصلها لمحمد سلامة

أحمد محمد سلامة

خذ الجريدة .. تلقى التفاصيل في الجريدة

لكن اسمع يا رعد .. ما أبي يدري أحد

أحذرك .. لا صحافه .. ولا جرايد

هذي لوجه الله أبيها ..

ويعلم الله .. من وراها ..



ما أبي مدح وقصايد ..

أرتجي عفو الكريم ..

في يوم بالأهوال زايد ..





ـ سيدي السلطان خيرك .. في القديم وفي الجدايد

ربي يجزيك المثوبة .. ويعينك بوقت الشدايد

ـ يخرج رعد .. ويستدعي وزير المال والأحوال ..

مرسال ..

يجي مرسال .. أمرك معالي وزير السلطنه الأول ..

تعال يا مرسال .. فوراً وفي الحال

خذ المليون هذا ..

وسلموه .. للمواطن أحمد محمد سلامه .. من سيدي السلطان

خذ الجريدة .. تلقى التفاصيل في الجريدة

مرسال .. لابد هذا يتم الآن .. فوراً وفي الحال

وبأقصى درجات السرية والكتمان ..

هذي أوامر سيّدي السلطان ..





يخرج مرسال .. ويستدعي كبير الحراّس

فراس .. يجي فراس

أمرك يا وزير المال والأحوال ..

ـ فراس .. تعال

خذ هذي خمسمية ألف ..

سلموها .. للمواطن أحمد محمد سلامه .. من سيدي السلطان

خذ الجريدة ..

تلقى التفاصيل في الجريدة

خذها الآن ..

فوراً وفي الحال سلمها .. وبأقصى درجات السرية والكتمان

هذي أوامر سيدنا السلطان ..

يخرج فراس .. ويستدعي النقيب ..

حبيب ..

يجي حبيب .. أمرك ياكبير الحراس

ـ حبيب تعال ..

خذ هذي المية ألف ..

سلموها للمواطن .. أحمد محمد سلامه .. من سيدي السلطان



خذ الجريدة ..

تلقى التفاصيل في الجريدة ..

خذها الآن سلمها .. فوراً وفي الحال ..

وبأقصى درجات السرية والكتمان ..

هذي أوامر سيدنا السلطان ..

يخرج حبيب ..

ويستدعي مسئول المساكن

مازن ..

ـ مازن .. تعال .. خذ الخمسين ألف هذي

سلموها للمواطن .. أحمد محمد سلامة .. من سيدي السلطان

خذ الجريدة .. تلقى التفاصيل في الجريدة

خذها الآن سلمها ..

وفوراً وفي الحال ..

وبأقصى درجات السرية والكتمان ..

هذي أوامر سيدنا السلطان ..

يخرج مازن .. ويستدعي رئيس الحي ..

اللي ساكن فيه أحمد ..



عبد الحي ..

يجي عبد الحي ..

ـ عبد الحي تعال

خذ هالعشرين ألف

سلموها .. للمواطن أحمد سلامه

خذ الجريدة .. تلقى التفاصيل في الجريدة

خذها الآن .. وسلمها لأحمد سلامة

عبد الحي ..

أهم شي السرية والكتمان ..

هذي أوامر السلطان ..

يخرج عبد الحي ..

ويتوجه لمكتبه في الحي ..

ويستدعي مساعِدُه أمين ..

ـ تعال ياأمين .. تعال .. شوف الجريدة

وخذ الألف هذي ..

سلمها لأحمد سلامه

ساكن هناك .. عمارة في آخر الشارع

جنب مدرسة الكرامة ..

الدور الرابع .. شقة ستة

وديها الآن .. وقل له ..

هذي من سيدنا السلطان ..

واسمع ياأمين ..

احرص على السرية والكتمان ..

هذي أوامر السلطان

أمين واقف ورا باب شقة

أحمد محمد سلامة ..

يدق الباب ..

صوت من خلف الباب ..

ـ مين ؟ ..

ـ أنا أمين .. مساعد رئيس الحي ..

عبد الحي

يفتح الباب .. أهلين وسهلين ..

ـ هذا بيت أحمد سلامه

ـ نعم أنا أحمد سلامه

ـ أحمد محمد سلامة ؟ ..

ـ أحمد محمد سلامه ..

ـ ممكن إثبات

ـ طبعاً أكيد

ـ فعلاً أحمد محمد سلامة

سيدنا السلطان .. موضوعك استرعى اهتمامه

سيدنا بيسلم عليك

وحب يطمن عليك

وكلفنا ننقل لك رسالة :

سيدنا السلطان .. أدام الله أيامه

يتمنى للأطفال عندك ..

كل الشفا وكل السلامة

مبروك يا أحمد تستاهل ..

مع السلامة .. !

* * *




معلـــــومه ((( ألقى الشاعر هذه القصيدة لأول مرة في أمسية الرياض 2003م)))

هذا طلب الاخ الانيــق وانشالله تكون وصلت نتمنا وقت ممتع وشكراً لك

[رحــال]

http://www.bin-msaad.com/images/binmsaadpic.gif


عندما اقول قصائد نقدية لا أستثني نفسي فأنا لي سلوكيات خاطئة لا أنكرها واستند إلى الآية الكريمتين (وما أبرىء نفسي إن النفس لأمارةٌ بالسوء) والآية (إن أريد إلا الإصلاح ما استطعت وما توفيقي إلا بالله عليه توكلت وإليه أنيب).


قضيتي تتلخص في محاربة الاخطاء ونصرة الحق واثراء الاحاسيس والرقي بها وابعاد القسوة عن قلوبنا وازالة التحفظ عن مشاعرنا.

عبدالرحمن بن مساعد

[الأنيــــق]

مشكور حبيبي رحال على إهتمامك

وصلت القصيدة بالسلامة ومعليش تعبتك معايا

[رحــال]

الأنيــــق

هلا وغلا فيك بالعكس تعبك راحــــــه

وقت ممتع انشألله شكراً لك.

[الأنيــــق]

هناك من طلب قصائد الشاعر (عبدالرحمن بن مساعد)
فأحببت ان أعيد هذا الموضوع من جديد..

[رحــال]

سمعتوا قصة مردخاي .. ؟!
من زمان قالوا لخوكم مردخاي
" مردخاي هذا زمانك جاي "
شفت هالخوان قاتلهم .. خذ أرضهم .. اهدم منازل بعضهم .. وشردهم
غيّر معالم ارضهم . .واطمس ملامحهم ..فرّقهم وتصير سيّدهم !!
وامسك بتلمودك ودينك .. وبعّثر مبادئهم
وبعد ماتزرع بذور الحقد فيما بينهم .. وتحصد مشاعرهم
قد ماتقدر حيّد اكبرهم .. رد له كامل حقوقه
واعزف على اوتار فرقتهم
واضرب أغناهم بـ افقرهم
حاربهم بهم .. واشعل معاركهم
وبعد مايستنزفوا قوة بعض ..
خذ مابقى منهم .. وفاوضهم
فاوضهم على الفتات ..
واذا عطوك حق الفتات .. رجّع لهم ربعه
وسالمهم
هذي قصة مردخاي سيد الزمان الجاي
عاجبكم ؟!



تستأهل أخوي الأنيق أهــــــداء خاص

[رحــال]

(جزء من القصيدة)



ذبابة .. مرت على قصر شامخ

عرفوا معنى الأمن .. مما يطبّق عند بابه

ذبابة .. من خارج القصر أقبلت

مرّت فوق حرّاسه .. وعلى مراء ومسمع من كلابه

ذبابة في قصر شامخ .. به يلتقي الأعيان والساسة

مايدخله الا كبار القوم

واليوم !! ... رغم القيود .. رغم الجنود

رغم الحراسة !

ذبابة في قصر الرئاسة


وهذي كمان للامير عبدالرحمن بن سعود

[السندبــاد]

موضوع رائع ومجهود يشكر عليه (رحال)
وعندي إقتراح ياليت كل قصائد الشاعر عبدالرحمن بن مساعد
صاحب القلم والفكر الكبيرين الرجل الذي يجبرك لتقف له إحتراماً
تكتب في هذا الموضوع

[رحــال]

تآمر آمر أخوي السندباد
راح نخلي هذه الصفحه
خاصه لصاحب الكلمات
الشاعر الامير/عبدالرحمن بن مساعد
مشكور أخوي السندباد على الاقتراح ومروك
تحياتي لك