اوراق الزمن

[الاميره]

انشالله تعجبكم الكلمات لشاعر الكبيرسمو الامير بدر بن عبدالمحسن

دفن يدي .. تحت الثرى ..
واسقيها من جفني ارق ..
يذبل مابين اصابعي ..
عشب و ورق ..
ادفن يدي .. فوق الثرى ..
يلفها برد وسموم ..
واحس بعروقي يبست ..
ما توصل عروقي الثرى ..
ولا تشرب عروقي النجوم
وينبت على جفني سهاد ..
يذبل ورا صدري الشجن ..
اشقق اوراق الزمن ..
وانام ..

في حلقي الليله جفاف ..
شربت أيامي .. ومضت ..
واللي بقى جرحي الوفي ..
في خاطري باب يرد ..
وسراج دوبه ينطفي ..
اغطي الظلمه بظلام ..
كل ما اشد اصابعي ..
على العيون المتعبه ..

جرحٍ ينام .. وجرحٍ شعر بي وانتبه ..
قام وتبعني لشرفة ظلمه بعيد ..
جاني يقاسمني السهاد .. جاني قصيد ..
ادفن يدي تحت الثرى .. فوق الثرى ..
واعيش انا بباقي يدي ..
نصفٍ يموت .. ونصفٍ درى انه يموت ..
يا سيدي .. ربي انا نقطه فـ بحر ..
علمني كيف اهوى الحياه ..
علمني كيف اهوى القدر ..
علمني بإماني اكون ..
يارب .. اكثر من بشر ..



.................................................. .....
لا جيت أنا بــ سامحك..
تبكي الجراح ما ودها..
مشتاق ودي أصافحك..
عيت يدي لا مدها...

الاميره

[رحــال]

صح السانك الاميره وحياك الله في المنتدى الشعبي
اتمنا لك وقت ممتع ومشكور على هذه القصيده
الجميله من شاعركبير ومعروف في الساحه
الشعبيه سمو الامير(البدر)بدر بن عبالمحسن
تسلم يمينك

[الاميره]

اهلاً بشاعر المنتدى واشكرك على الترحيب صح بدنــك
تسلم رحال
صحيح البـــــــدر شاعر كبير ومعروف على الساحه
الشعبيه اشكرك على مرورك وانا احب اسمع لهذا الشاعر
ولا اخفي عليك بانني حافظه الديون الثالث الذي اصدره
وهي غزليه وغنائيه وغيرها شكراً لك:)