المساعد الشخصي الرقمي

مشاهدة النسخة كاملة : احراجات في الطبخ والنفخ..تعالوا شاركونا..

انسانية
16-01-2007, 04:08 PM
السلام عليكم

حابة اطرح موضوع بسيط

وهو انو كل شخص يذكر لنا بعض تجاربه مع الطبخ

سواء طبخات زابطة ..او محروقة..او مليانة صراصير..او غيره

وانا ابدا:

مرة من المرات..وانا بالمتوسطة..كنت زهقانة وما فيا اشوف احد او اجامل احد

وحصل انو عم ماما جانا يوم من الايام هو ومرته وبناته

وكانت اول زيارة له لنا هنا بينبع

قمت غصبا عني سويت القهوة..وسلمت عليهم وحطيتها وطلعت وماصبيت حتى القهوة

واللي حصل..انو ماما جاتني فوق وخاصمتني..وقالت:

((في قهوة بدوون هيل؟؟؟؟؟؟؟؟؟))

ورحت فيها وطي



انسانيتي:
~~انسانية~~
السحس
19-01-2007, 05:35 PM
الله يعطيك العافية على الموضوع .

صراحة الموضوع حلو والمفروض يتوجه للناس العزاب لانـه هم اللي عندهم الافلام صح مع الاكـل وانواع الضحك عليهم

بالنسبة لي أنا لما خلصت الثانوية كنت عاطل سنتين وكنت مايسوي الغداء إلا أنا ( فاضي ماعندي شي )

وإذا وصلوا اخواني من المدارس أجهز الغداء واضبطه بس بصراحة تعلمت أشياء كثيرة زي

( الكبسة - المكرونة - المندي - شاهى - قهوة - ) بس قسم بالله كنت أحس بوناسة لما أطبخ شي حلو .



لا ومررره خالي كان طالع مع اخوياه وهو عاد بيسوي العشاء مسوي فاهم هو ووجهه وش تتوقعون وش سوالهم

جاى بيسوى إيدام كوسه سوى إيدام خيار وتعال شوف الضحك عـليه ....


تحياتي
بقايا رووح
19-01-2007, 05:57 PM
؛؛ يسلموو أختي أنسانية على المووضع الحلوو ؛؛

.... كيف يا سحس يجي تطبخ لنا يواد والله خليني اجي عندك البيت ....

.
.
.
أما انا والله سار لينا مقلب مرره قوي بالطبخ .. كنت ساكن في عزبه في المدينة

ومرره واحد من الشباب أخذ السيارة وسافر ونسينا المحفظه والمفاتح حقتي في سيارته

الرجال سافر ولما جينا بنشتري عشى جالسين نتشرط شوي نطالع مافي فلوس ولا سيارة
قصدي سيارة بدون مفتاح :D ...
فا سارت حالتنا مرره صعبه ... قلنا يا عمي في رز والله يخلي السوداني حق البقاله
نروح نتسلف منو توونه نسوي رز مع تونه .... رحنا لي الرجال وسلفنا

فسوينا الكبسه حطين كل الرز تعررفوا جيعانين على بالنا بناكل كثير....المهم من زود الحرص
حطيت الملح ورحت جلسة أتفرج راح صاحبي الي معي تعرفوا كل شوي من الجوع يشيك على العشاء ... جيعان

.... أستوى العشاء واحنى نشوف الرز مع التونه كأنه مفطح مطرووح ...

وهي اول لقمه عيووني انقلبت فووق تحت ... اقول لصاحبي يواد اش دا ذوق ...

فلما ذاق الاكل مرره مالح ... طالع اخوي مملح الاكل كمان ...:D

فقالي اش الحل ... قلت يبالها حل دي ... ياعمي يا انا يا الاكل اليووم ...

والله انا أكل وعيووني بحرر من الدمووع :D .....

وصاحبي داك اليووم ما نام من الجووع وانا ما نمت من البراكين الي بطني .. واليوم التاني جاء

...... خالي وداني المستشفى :D .......
.
.
.

وهي ليله ما انساه طول عمري ....

.
::
.
::
.
بقايا رووح
.
.
.
السحس
19-01-2007, 08:14 PM
ههههههههههههههههههههههههههههههههاااااى

بصراحة مت من الضحك . بس يجي نطبخ سوا على الاقل أعلمك شوي من الطبخ

أن شاء الله المره اللي تجي فيها نطلع سوا وأعلمك الطبخ على أصولة .
انسانية
21-01-2007, 01:25 AM
سحس:

يا الله..ايش دا..

انا يبغالي اعطيلو كورس في الطبخ

بس كيف طلع الطعم؟

عالعموم اعتبر ايدام الخيار شيء جديد..واعتبرها طبخة ممكن تكون شهيرة مستقبلا

بقايا روووح:
المالح طول عمرو مالح..ما رح يتغير

وانا لو اكلت الرز اللي طبخو..لكنت دحين بالمستشفى


اشكركم على المرور

وانا انتظر البقية


انسانية:
انسانية
salohi
28-01-2007, 08:29 AM
طيب انا اعطيكي وحده احلى

ايش رايك بالفراش والصراصير

مره طلعنا البر

وطبخن مندي على كيف كيفك
ويوم جينا بنحط العشا

اتجمع علينا الفراااااااااااااااش من كل جهه

صار نص الرز اللي في الصحن فراش

طفينا النور قلنا يمكن يروح

ما فييييييييي فايده

المهم والله جيعانين

وهاتك يا اكل

مندي بطعم الفراش

شي جنااااااااااااان
قمـــر 14
28-01-2007, 10:19 AM
انا اعيطكم وحدة عالطاير وان شاء الله ارجع اقرا الردود كلها واتونس

هههههههههههههههههه

انا بصراحة سويت حركة نذالة <<<< بالعاني يعني

بالمختصر سويت لاهلي شاهي لكن بدال النعناع حطيت بقدونس بس <<< قولي والله

واترك لكم التعليق كان شاهي ما ينساه اهل البيت كلهم

ومالكم دخل طبعا ايش حصل بعضها انفرشت ما انفرشت هذا شي ما يخصكم

هههههههههههههههههههههه

تسلمي يا انسانية على المواضيع المجنونة

كترررررررررررري منها

هههههههههههههههههه
salohi
28-01-2007, 12:08 PM
هههههههههههههههههههههههه

قويه بقدونس

والله شكلك ما تعرفي تفرقي بين الاثنين

خخخخخخخخخخخخخ
meema
28-01-2007, 12:51 PM
يسلمو انسانيه موضوع حلو

انا من الناس الا مااستغني عن الفطور

بعض الاحيان اجلس مررره بدري ومااصبر لين يصحون اخواني وامي

مره من المرات جلست قلت بسوي لي بيض وانا جوووووووووووووووووعانه

كان احط سكر بدل الملح من كثر العجله

وطعمه وربي قرررررررررررررررررررررررررررررررررررررف

>>>>>>>>> ماتقدر تركز وقت الجوع
Lopia
12-02-2007, 07:13 AM
والله كنت مار من هنا بالصدفة ،،
قلت خليني ازوركم في قسم المطبخ ، اشوفكم ايش طابخين اليوم :11istling

فيه قهوة من غير هيل ؟؟ :D
انا لو منك اقول للماما : أحمدي ربك اني ما نسيت البن !! :11owoff:


المهم ... انا بعطيكي تجربة من تجاربي الجامعية ، ولكن حقوق الطبخ ... قصدي الطبع محفوظة !!

بعلمكم وصفة : شوربة الكويكر بالأندومي !!

وياريت ماحد يقول : يييييييع ايش دا العك !!... :D

جربوها اول شئ بعدين قولو رأيكم !!.

واللي ما تعجبه الشوربة ... عنده الجدار ... يروح يسلم عليه :D


يلا ورايـــا عالمطبخ :


طبق اليوم : شوربة الكويكر بالأندمـــي !!

المقادير:

- 4 ملاعق كبيرة شوفان مطحون (طبعا عارفين علبة الكويكر البنية )
- مكعب ماجي ... او كاسة كبيرة من مرقة الدجاج اذا كنتو مسويين دجاج ... ..
- ممكن تضيفي فطر او ذرة او جزر مقطع حسب ذوقك ..
- ملح وفلفل وليمون حسب الذوق
- كيس او كيسين من الأندومي ( أي نوع يعجبك)


الطريقة:

أملأي القدر بمقدار ليترين من الماء ثم ضيفي الشوفان وقلبيه الى ان ينضج
ضعي مكعب الماجي او الشوربة وأتركيها تغلي
ضيفي الذرة المسلوقة او الجزر المسلوق او الفطر حسب الرغبة
ضيفي الفلفل الأسود والليمون

في النهاية نضيف كيس الأندومي و ممكن تضيفوا لها الخلطة اللي تجي مع الأندومي والصويا حسب الرغبة

بعد اضافة الأندومي ... تقلب الشوربة لمدة دقيقتين تقريبا ...


و..

بالهناء والشفاء ..


وأي خدمة :D
انسانية
12-02-2007, 08:13 AM
طيب انا اعطيكي وحده احلى

ايش رايك بالفراش والصراصير



عفوا بس ايش هو الفراش؟؟؟؟؟؟

تقصد فراشات؟؟

بس ايش دا..كيف كان طعمو؟؟

وشكرا على مرورك..


انسانيتي:
انسانية
انسانية
12-02-2007, 08:15 AM
بالمختصر سويت لاهلي شاهي لكن بدال النعناع حطيت بقدونس بس <<< قولي والله
[
خخخخخخخخخخخ

سويتي زي اختي..بس اختي ملوخية عالاقل الملوخية تشبه النعناع

بس ايش جاب البقدونس للنعناع؟

ميرسي عالمرور


انسانيتي:
انسانية
انسانية
12-02-2007, 08:18 AM
كان احط سكر بدل الملح من كثر العجله

وطعمه وربي قرررررررررررررررررررررررررررررررررررررف

ميما انا ذقت بيض اومليت بالسكر
ايش لزيز وطعم

كيف ما عجبك؟

بالعكس لزيز

ميرسي عالمرور


انسانيتي:
انسانية
انسانية
12-02-2007, 08:22 AM
والله كنت مار من هنا بالصدفة ،،
قلت خليني ازوركم في قسم المطبخ ، اشوفكم ايش طابخين اليوم :11istling

فيه قهوة من غير هيل ؟؟ :D
انا لو منك اقول للماما : أحمدي ربك اني ما نسيت البن !! :11owoff:
:D
خخخخخخخخخخخخ..

هيل احط..ولا زعتر

طبق اليوم : شوربة الكويكر بالأندمـــي !!

:D
هههههههههههههه

بالعافية..رح اجربها واقلك ايش صار لي

ميرسي عالمرور

وعن نفسي..ابغى اجرب عدس بالمربى ايش يطلع؟


انسانيتي:
انسانية
دلع
18-02-2007, 03:48 AM
إحم إحم

لو سمحتوا إوقفوا يمين ويسار لأستاذة العك المطبخي

ما أذكر قيد سويت أي حاجه في المطبخ إلا وخربتها

آخر حاجه خربتها قلت لأمي إرتاااااااااااااااااااااااااااااااحي أنا اليوم بأسوي لكم فتوتشيني << مكرونه بالكريمة>>

المهم زبطت المكرونه وكل شيء تمااااااااااااام إلى ما وصلنا للكريمة ما أدري كيف شفت الحليب كريمة << بس ترى العلب زي بعض>> المهم طلعت فتوتشيني بس من جنبها قد ما حاولت أصلح الغلطه ما نفع قمت دقيت على شاهين وطلبت غدا ورحمت أهلي من الغدا التحفه اللي سويته

يسلموووو إنسانية على الموضوع اللي طلع تحافة أعضاء منتدانا الكريم
انسانية
07-03-2007, 03:06 PM
خخخخ

كريمة؟؟؟

دريم ويب؟؟؟؟؟

ياي طعمها حيكون حلو

بس انت كدا اخترعت طبخة..يبغالك تسجليها باسمك وتحطيها في كتاب


ميرسي عالمرور


انسانية