ليتني ما عرفتك
08-02-2007, 07:53 PM
غابت ثمان سنين حل وترحال *** غابت ثمان كلها مد لهمه
قضيتها بالحب والشوق رحال *** وحب تحدى كل ياسه وهمه
سألت عنها سنين وشهور وليال *** ولافيه فجٍ غير وجهت يمه
وعقب الثمان اللي تعبها برى الحال *** جاب الزمان الكارثة والمطمه
جاني ولدها مبتسم بين الأطفال *** من بسمته ذكرت أنا بسمة أمه
شفته وصاحت داخلي كل الآمال *** بصوتٍ عجزت بكتم الأنفاس ألمه
ركضت له دمعي على الخد همال*** ومن كثر شوقي قمت بالحيل أضمه
ولحظة حضنته والطفل في يدي مال *** شميت ريحتها على أطراف كمه
واستلهمت نفسي مقادير الأهوال *** تم الضياع وأكدت لي متمه
واليوم بنت الناس في بيت رجال *** وحبٍ على غير الشرف لي مذمه
ليت الغياب اللي شغل غربتي طال *** ولا دور العاشق على حرق دمه
مجبور أعود واشتكي كل الأميال *** بنفسٍ حزينه كآبه مستمه
برجع غريبٍ مسكنه بر ورمال *** يموت يحي يندف ما يهمه
قضيتها بالحب والشوق رحال *** وحب تحدى كل ياسه وهمه
سألت عنها سنين وشهور وليال *** ولافيه فجٍ غير وجهت يمه
وعقب الثمان اللي تعبها برى الحال *** جاب الزمان الكارثة والمطمه
جاني ولدها مبتسم بين الأطفال *** من بسمته ذكرت أنا بسمة أمه
شفته وصاحت داخلي كل الآمال *** بصوتٍ عجزت بكتم الأنفاس ألمه
ركضت له دمعي على الخد همال*** ومن كثر شوقي قمت بالحيل أضمه
ولحظة حضنته والطفل في يدي مال *** شميت ريحتها على أطراف كمه
واستلهمت نفسي مقادير الأهوال *** تم الضياع وأكدت لي متمه
واليوم بنت الناس في بيت رجال *** وحبٍ على غير الشرف لي مذمه
ليت الغياب اللي شغل غربتي طال *** ولا دور العاشق على حرق دمه
مجبور أعود واشتكي كل الأميال *** بنفسٍ حزينه كآبه مستمه
برجع غريبٍ مسكنه بر ورمال *** يموت يحي يندف ما يهمه