قصيده لرحااااااااااااااال (انا ما أرمي عقالي؟ ........تفضل بالدخول

[رحــال]

أنا رجال عزيز النفس دايم الدوم= أنارجال ماهين نفسي للحثاله

أنا مجلسي يتكلم بعزوتي بالكرم واللزوم=انا ولد شيخ يعرفونه رجاله

أنا ما أرمي عقالي في مجلس رخوم= ولا عرفت الكذب والنفاق والنذاله

أنا رجال مسلم اصلي لربي واصوم= ولاينحني راسي غير لرب الجلاله

الكرم والشجاعه والنخوه ومجلس فيه العلوم=اللي ترفع الراس عن كل الجهاله

لو تغير الزمان عن أمس واليوم=ماتغير طبعه لو البعض ماهناله

ولاني مراقب الناس اموت مهموم=أنا رجال حال نفسه بحاله

بعض الرجاجيل من علومها تنكسر خشوم=والبعض لو تنشال لقمت عياله

والبعض منهم تقوله من الغلط محشوم=تلقاه رجال طيب وسيع باله

مداح نفسه كذاب وانا تشهدلي القوم=اللي تعرف تاريخ انسابه وانساله

كلاً يعرف اصله لايضيع مظلوم=الدعوه اليوم شيك مفتوح لا محاله


هذه قصيده من كلماتي اتمنا ان تعجبكم لم تاخذ من الوقت شي ابداً ابداً تقبلوا احترامي واتمنا مشاركاتكم

[ينبع الصناعية]

صح لسانك يارحال
لكن اش مناسبة القصيدة !!!

[جيلاني]

رحال
قصيده جميله ومناسبتها اضنها قويه لذلك خرجت هذه القصيده القويه والجميله كذلك
فانت كما عرفناك رحال عنوان ومرجع لنا اذا نسينا او اضعنا عاداتنا وتقاليدنا
شكرا لك رحال
والسلام للجميع

[رحــال]

ينبع الصناعية صح بدنك اخوي واشكرك على مرورك القصيده صحيح لها مناسبه .

وانا ماراح اذكر مناسبتها غير بقصيده هي تتكلم عن هذي القصيده نفسها وقريبه انشالله راح اذاكر لكم مناسبتها

الله يعطيك العافيه على مرورك شكراً لك.

[رحــال]

جيلاني هلا والله بالغالي صح بدنك اخوي جيلاني مثل ماقلت مناسبتها...... صارت في مجلس؟؟؟

المهم اني انشالله راح اقولها لكم في قصيده قريبه انشالله وراح تعرفونها انشالله اشكرك على مرورك وكلامك الجميل

شكراً لك.

[الأنيــــق]

صح لسانك على القصيدة الحلوة..

[رحــال]

صح بدنك اخوي الانيــــــــق شكراً لك على مرورك

[النرجســــية]

الكرم والشجاعه والنخوه ومجلس فيه العلوم
اللي ترفـع الـراس عـن كـل الجهالـه

لـو تغيـر الزمـان عـن أمـس واليـوم
ماتغيـر طبعـه لـو البعـض ماهنـالـه

ولانـي مراقـب النـاس امـوت مهمـوم
أنـا رجــال حــال نفـسـه بحـالـه
ذكرتني بما قالهُ المنتبي عن نفسه
لا بِــقَومِـي شَـرفتُ بل شـرفوا بي ..
وبنفــــسي فخرتُ لا بجــدودي ..
قصــيدة رائعة أخوي (( رحال )) ..
فيها من المعاني السامية الكثير ..
وهذا ماعهدتهُ أنا وشموع هذا المنتدى فيك ..
من إبداع متواصل أذهلتنى به ..
تحياتي لك وللجميــع .. النرجســية

[رحــال]

قال الشاعر ابن العم(( رميح العنزي))


قصيرنا ماحشمته عندنا يوم=يزود مع زايد سنينه وقاره
عفو الضهر محشوم الامن القوم= يوم يخلط جمارنا مع أجماره
دونه نروي باللقى كل مسموم= ونرخصةعمار دون كسر اعتباره
ماعليك زود النرجسيه وهذا من طيب اصلك مشكور على مرورك

اخوي(ينبع الصناعيه) واخي( جيلاني)

مناسبة القصيده سالفه طويله انا سويت القصيده اللي قلت راح انزلها بس المهم والسر في هذي القصيده وبختصار

يوم من الايام عزمني واحد على عشاء عنده في البيت وكانت مناسبة العشاء جاي عمه ( ابو زوجته )ضيف عنده

عزم شباب المهم انا اول مره اجي هذا الشخص في بيته ولي فتره عنه حلف علي وجيت المهم معروف وقت العشاء

الضيف رجال كبير بالسن المهم شباب الله يهديهم دخان بلوت الساعه والوقت والرجال ماتعشاء كلمة صاحب البيت

وقلت له ياخي فيه شي صاير فيه نقص فيه مشكله صارت للعشاء الحين الساعه 12 طبعاً ليل والمسكين الشايب

نام في المجلس والشباب في زاوية المجلس بالوت دخان وعلى هالحاله قال لي: لا عايدي انا قايل للمطعم العشاء

يكون الساعه 1 طيب ليش ورانا دوام الرجال الكبير قال ماعليك منه والموضوع شكله سالفة تطفيش لرجال بينه وبين

عمه و الله اعلم المهم سحبت نفسي ومشيت وقبل مامشي رحت لضيف وقلت ياعم بكره القهوه عندي في البيت

المهم حلفت عليه وجا وسويت له عشاء في المخيم انا ماتعشيت عند الرجال وصار نقاش بيني وبينه حاد عند سيارتي
يقولي اشفيك زعلت ابغا اعرف الحين شباب بالله عليكم هذي عادات المسلمين هذي عادات اللي نفتخر فيها

صار بيني وبينه الكثير بس هذي بختصار مع انها طويله.

ماعتقد احد منكم عجبه الوضع اللي صار اكيد ابغا مشاركاتكم بالذات اخوي جيلاني..... وينبع الصناعيه

وشكراً

[رحــال]

هذي قصيده جاتني عن طريق الجوال من صديق لي بالرياض عندما اطلع على قصيدتي يقول فيها:



سيف لربعك في المواجيب مسلول = عزيز النفس طيب جماعه

طويل باع وذراع ما انت مجهول = ورحال جابها من ذراعه

والهرج منت عن كثرته بمسئول = وعرف المهبل بدقيقه وساعه

[جيلاني]

الاخ .رحال اسعده الله واكرمه بفعله وجعله قدوه لمن نسى او تنسا او حتي قصد امر اخر
الاخ رحال احيي فيك الاصاله العربيه التى التى اصبحت ماضي اندثر منها ما اندثر
وبقي منها ما بقى ..وماكتبت القصيده لا من موقف قوي هيئا الكلمات للخروج با بداع شاعر
رحال كتبت مشاركه ويالاسف لمشاكل الجهاز لم استطيع اعتماده
والان اكتب لك واقول
...
الاخطاء الذي وقع فيها صاحبك ونسال له الهدايه
..عدم احترام مكانه ومنزله
..عدم احترام من يكبره سنا والقرابه كذلك
..حسن الحديث المتوافق مع المناسبه
..الدعوه وتلبيتها وشروطها وحقوقها
....
ياخي العادت العربيه الاصليه ما هي الا امتداد الى الهدى المحمدي
...انما بعثت لصالح مكارم الاخلاق ..
وكذلك ما فعلته عين العقل
وهو الانكار لما حصل لتنبيه والتذكير وكذلك للفائده للجميع عند الا ستفسار والملامه
ودعوتك لذلك الرجل هذا واجب وخلق مسلم واحيا العاده جميله تدل على مدى ترابط المجتمع
..
وكذلك
لكل جلسه لها حديثها ورجالها ومكانه ووضعها
وشكرا رحال
لما في موضوعك فائده للجميع
والمعذار في الخطاء والسهو..
سلام

[رحــال]

اخوي جيلاني ما عليك زود وهذا من طيب اصلك اشكرك على مرورك

اقول الله يهديه ويهدي الجميع .