ممكن مساعدة من موظفي ارامكو..

[نور عيونك]

ابغى ارفع قضية على موظف من موظفي ارامكو بقضية شخصية

هل ارامكو تعطي المحكمة الحق في استدعاء موظفها للمحكمة لحضور الجلسات الادعائية ؟؟؟؟


ام لهم شروط وقوانين ياليت اللي يعرف يرد لي باسرع وقت :sick:

[NERA]

السلام عليكم..

نعم اخي للمحكمة الحق في استدعائة عن طريق العلاقات الحكومية بشركة ارامكو اللتي تتخاطب مع المحكمة والموظف كوسيط....

بالتوفيق اخي.

[نور عيونك]

يعني اخوي راح تدخل بيننا وسيط انا ابغى الموظف نفسه ينجر ماابغى وسطاء

[عابر القارات]

شوف ياحبيبي انت تاحذ الاستدعاء وتوديه لممثليه ارامكو وهم راح يخلونه يوقع على الحظور وهو مايشوف الدرب وبعدين تاحذ نسخه من الاستدعاء من الممثليه وهم راح يختمون علي ورقه الاستدعاء (وهذا اهم شي) وتوديه للمحكمه و القاضي راح يحكم عليه جا والا ماجا وراح يجبونه بسمعه للسجن وارامكو مالها اي دخل بالعكس راح تظغط على الموظف عشان يحل مشكلته والايام اللي مسجون فيها راح تكون مخصومه عليه تحت نظام( غياب بدون عذر) وراح تفصله اذا تجاوز الحد القانوني للغياب .

شوف دام هو شغال في ارامكو ريح بالك حقك راح تاخذه منه غصب عنه .

[نور عيونك]

شاكرة لكم اخواني وربي يسعدكم

وحسبي الله ونعم الوكيل فيه يارب اشوف فيه يوم بعزته وقدرته مثل ماظلمني

[!! اصقعني واصحصح !!]

ان شااء الله مايكون اي ظلم فيــها ..!

[نور عيونك]

لاياقلبي هو الظالم جعلي اشوف فيه يوم برضا الكريم

[القلم الساخن]

ردو المظالم لأهلها مادام بالعمر بقية . . فغدا لا ناصر للظالم أبدا . . لأن الحكم هو الله الله الله جل جلاله . . .

[asrar]

اه الله يعينك على المشاكل و الروحه و الجيه

[stayhaby]

الله يعينك عندي قضيه صدر فيها صك شرعي قبل سنتين ونصف على موظف ارامكو ومن وقتها وانا بعاني من متهات ومماطلات

[خريف الطفولة]

بالعكس راح تظغط على الموظف عشان يحل مشكلته

شوف دام هو شغال في ارامكو ريح بالك حقك راح تاخذه منه غصب عنه .


أؤيد كلام الأخ عابر القارات.

وهذا ما أسمعه ...حيث أن الشركة تطلب من الموظف أن يحل مشكلته مع خصمه أولاً


وقد عايشت موقفاً مشابهاً ...فالعلاقات الحكومية تتصل على رئيس الموظف وتبلغه بأن موظفه مطلوب للجهة كذا..ويوقع على ورقة بالإعلام

[العطار]

بالفعل وانا أؤيد كلام خريف الطفولة وعابر القارات

أن الشركة تخبر رئيس الموظف عن وجوب ارسال الموظف إلى المحكمة وحضوره للجلسة ، وعلى حسب الرئيس ، فهناك بعض الرؤساء يقول للموظف المطلوب في أي جهة حكومية لا أشوفك تداوم إلا وأنت منهي موضوعك مع الإدارة الحكومية وتعتبر الأيام اللي يغيبها من إجازته أو تعتبر إجازة بدون راتب إذا ما عاد بقي له إجازة .

بل ويأخذون عليه تعهد بالحضور . وإذا كان هناك مماطلات أو تأخير في المعاملات أو المواعيد فأتوقع أنها من المحكمة أو الشرطة .

[نور عيونك]

ياناس هو انسان مايخاف ربه


لما شفت كثير يتكلمون عنه وانه اختلس اموالهم


هانت علي مصيبتي لان المبلغ اللي عنده لي اقل بكثير من غيري




فوق كل هذا مفتتح معهد حاسب وجالس يسرق في اموال خلق الله ولم يجد لحد الان من يردعه


والكل قال انه يخرج من القضية مثل الشعرة من العجينة


باخذتها من قاصرها وللحين اهو يتلاعب على خلق الله


ويسرق فلوس بناء على انها سلف ويرده لكن اخر علمك في فلوسك من تطلع من جيبك وبعدها قول عليها السلام

[خريف الطفولة]

شوي وتقول لنا اسمه....!!!!!!

يا أخي الشباب ماقصروا قالوا الطرق اللي تقدر تقاضي فيها خصمك...

وغير كذا ما ندري وش نسوي عشان نساعدك .

[نور عيونك]

اخوي خريف لا ماهو هذا القصد


بس انا اقولك ماعاد يجدي شيئ مادام وراه راس كبير يحتمي فيه


وسلاماتكم جميعا