مطلوب قصيدة بندر بن سرور

[خالد الحارثي]

السلام عليكم ممكن قصيدة بندر بن سرور (( قلة ترى بندر تدهور و؟؟؟؟؟؟؟؟ ))
وشكراً

[رحــال]

حياك الله أخوي خالد وابشر بسعدك راح تكون القصيده موجوده انشالله

اهلاً وسهلاً فيك مره اخرى ونآسف على هذا التأخير لظروف

[السندباد]

يستطيع الأخ (خالد) أن يتوجه بطلبه لإدارة
-؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لأن هذه الألفاظ لانسمعها إلا هناك ولا أعتقد أن لها مكان في المنتديات المحترمة

[رحــال]

الشاعر بندر بن سرور

ماني وانا بندر براعٍ ولد راع" "انا الحصان اللي طوالٍ حباله
إبن سلايل خير من شالت القاع" "المصطفى الهادي وديع الرسالة
ماني وانا بندر ببيّاع دمه" "يقطعك يا بياع دمه و مهفيه
اللي يبيّع لابسات الأزمه" "ثورن يبي بيض العماهيج تغنيه
ماني وانا بندر بهيسن ولد هيس" "هيسٍ يدنع عند حرمة قصيره
ليا بغيت اجلس ترى لي مجاليس" "وليا بغيت انهج دروبي عسيرة
ماني وانا بندر بهيتٍ ولد هيت" "هيت مقابل خمّةٍ يكرهونه
من كثر ما جرّبت وأقبلت و أقفيت" "قولة هلا من لا يودّك مهونة
ماني وانا بندر على درب الأنجاس" "اللي قريبٍ تفلها من لحاها
أنا بدرب الصيرمي عدم الأجناس" "زيزوم روق ليا تنصّت عداها
ماني وانا بندر بنصّاي جابان" "شوخ الجموس مناقرين الحليلة
ليا صار لي لازم نصيت ابو فيحان" "شيخ الشيوخ مكمّلين الجميلة


بندر بن سرور

راكب اللي من حفيزه للحدودي........ عقّب العشرين طبلون اميتينه
فرت نوع كلاسيكي ماله طرودي ..... أبيضٍ في البيت الأبيض فارقينه
يرفعنّه نايماتٍ بالعمودي ...... والهوى والنار يرخنّ المكينه
يوم مرّ خريص مع عرق النفودي ...... قاومه صوت القيامه في المدينة

بندر بن سرور

راكب اللي مخّ رجليه خنزير وهوا ...... اشهبٍ في مقدمه بارقين وعكس تاج
متر في مترين مستبرم كلّه سوا ...... حايفه حطّاب ماسمكره راعي الكراج
إن نعشته بالثلاثة مع اللفه عوا ...... عوي ذيبٍ محتدينه مربّيت النعاج
ثابتٍ ما يختلف كلما لف إنزوا ....... وارتفع ثم إرتخى مثل طايرة المراج
كن ضرب المرو في الويل قدّام و ورا........ ضرب هملول البرد وإن تقفّاه العجاج
منوة اللي مشفق لهله ولهم نوا ...... من بعد طول المسافة يبي فلّة حجاج
بندر سرور

وجدي عليه وجد من هرّب الجمس ........ في حمله يا عبيد سبع المثاني
يوم الطرد غدت ثلاثه كما الخمس ...... قامت تقطّع قربته جدّ عاني
بندر سرور

فرتٍ مخيف وحدّه الحمل والجور....... زاع أسود الما لين ولّع انبيره

بندر سرور

عدّو به على اللي كنّه النسر بالمرقاب......... على الجمس الأصفر كاملاتٍ شراشيره
معه فرتٍ خمسه طن ياخذ ميّة ركّاب.......من المال عيّن ينقلنّه تغاييره

بندر سرور

ألا يانديبي فوق فرتٍ ورد من شرق....... على راس قيره للعليمي تعاشيقه

بندر بن سرور

الهاف روّح و حط طريف من دونه.......... عقّب حدود السعوديّة لعمّاني

بندر بن سرور

يوم لزّه بالثلاثة مع العرق الحمر ......شال صدره من عوا الذيب ماتفرّق عواه

بندر بن سرور

يا عبيد غنّن سيور الهاف ........ لا يا بعد كل من غنّا
عرق الابيتر رماه iiخلاف ....... ما طبّ له واحدٍ منّا


أتمنا لكم وقت ممتع تحياتي لكم

[خالد الحارثي]

أخوي رحال مشكور على الرد بس ماقلت القصيدة
أرجوا منك إذا ماتقدر تقولها تعلمني بموقع فية القصيدة هذي لاني أنا دورتها في كل موقع بس مالقيتها
وأرجو انك تكتبها بدون اللي عندها ؟؟؟؟؟؟؟؟؟؟؟؟ وأنا بعدين أحررها بالوورد

ومشكور

[رحــال]

هلا فيك اخوي خالد ومعليش على التأخير القصيده موجده في كاسيت عندي ولكن في المواقع ماراح تنزل هذه القصيده حتى الديوان حقه مانزلت فيها ولكن لو تروح موقع شظايا يمكن تحصلها اتمنا لك التوفيق