{..وش البيت اللي يجي في خاطرك

[نجم السواري]

مســاء/صبـاحٍ ممتلـي ’ بـ / الشـوق ، لا منـهـ وصـل عنـدهـ
.......مساء /صبـاحٍ يشكـي : الغيبـهـ : علـى بحـرهـ و يبكيهـا

لـ / ذائقتكـم الراقيـــهـ .
اكيد كل شخص منا تجي في باله بعض الابياات عندما يضيق خاطره او يتذكر موقف حصل معه
هنا مسااحه لكم جميعا لتدونوا مايخطر على بالكم من الابيات حينما تضيق بكم الصدور



سقى الله يوم انا يمـّه غرير ٍ يزعج الجيران
سقى الله يوم انا طفلٍ يصج البيت بصياحه
سقى الله يوم كان اقصى طموحي..لعبة الدنان
نهاية يومي المغرب..واخاف الليل واشباحه
سقى الله يوم انا البس بشت ابوي وثوبه القيطان
واقلد كلّ شيٍ فيه..حكيه..جدّه..مزاحه
واشيل المسبحه مثله ليا هوجس وهو سرحان
بيشعر..واحسب ان اللي عطاه الشعر مسباحه

[بحـــر]

من أروع القصائد اللتي سمعتها واللتي تطري دوماً على بالي بحالة الضيق
قصيدة للشاعر محمدبن فطيس المري ..
أترككم مع القصيده ..


الضيقة اللي دايما تالي عصيـــــــــر=وش حيلتي واردها لا تجينــي
لا طل ظل العود حزة عشا الطيـــــر=كنها على سجن الحديد تحديني
يضيق صدري كل ما جات واسير=ولا يخفف سوج رجلي حنيني
لا حولنا مشراف ولا أقدر اطيــــــر=يالله قسمة خير لا تبتلينـــــــــي
وعقارب الساعه توقف عن السير=ولكن في الديره سواتي حزيني
والعبرة اللي تاصل الحلق وتحيـــــر=يا قربها لو قيل لي يا عوينـــــي
أمل شوف الناس ورد ومصاديـــــر=واللي يقول وش فيك كنه يهجيني
يعني على ما قيل ما باب تصويــــر=لا أحدن ابي قربه ولا حدن يبيني
اروح أدور خط ما به دواويـــــــــر=وادور اللي هادها تهتدينــــــــي
واخذ مع الهاجوس سجه وتفكيـــــر=واراجع اللي فات بيني وبينــي
واحسب ذنوبي وادور لتكفيــــــــر=عساي ما قصرت في والدينــي
وعساي ما قارنت من ينفخ الكيـــر=واللي يحمل المسك جعله قريني
ويطري علي يوم الحشر واطلب مجير=ما أعطى كتابي في شقيقة يميني
ويطري علي صدقان كثر الدنانير=اللي تعاديني إذا كثر دينـــــــي
وراعي الهروج اللي سواة المناشير=أصد عنه وأدري أنه يعنينــــــــي
الله حسيبه يوم عرض القواريـــــر=والله حسيبي من صواب مكينــــي
والا طرا لي واحد كأنه صغــــــير=أما اصغر بيومين والا سنينــــــي
عرفت وش قومي وعينت تفســـير=للضيقة اللي من زمن تعترينــــي
حبه في صدري سالفة حب في بير=وكأن الفؤاد يقول هذا زبينــــــــي
اشفق على علم يجي من من غيـر=ولا يسمع اللي سولفوبه ونينـــــي
يا كثرهم غيره ولكن خبر خـــــير=ما غير شوفه في الوجود يهنينــي
رأي كذا يا عاشقين الغناديــــــــــر=ماله على وجه البسيطة وزينــــي
العام اجيه من حساب المساييــــــر=واليوم حال عداه وينه ووينـــــــي
خطاي تعليق الأمل في المدابيـــــر=الين راح وشفت حقري بعينــــــي
صبراً جميل وخابراً أنها مقاديـــــر=والله على تخفيف حزني عوينــــي
ذي حالتي لين تغبى الشمس و اصير=معطن سراحي عقب ما ني سجيني
والا امتلئ جوف الشجر بالعصافــير=طلبت من رب العباد يهدينـــــــــي
يعتقني المذن عقب ضيقة عصيـــــر=اللي على سجن الفراق تحدينــــــي

عذراً على الإطاله ..
دمت بودّ ..

[βĕάήќά]

{...البارحه والنوم عيا عن العين
والضيق في صدري يشب الحرايق
والرجل تقضبها قيود المساجين
اللي عليها الحكم باقصى الطرايق
هليت من دع العيون المساكين
اللي تشوف الموت بين الدقايق
تقبــــــل فائق احتــــــرامي
ღ Dawn ღ

[≈ Śŧίℓℓŋεśś •]

مثل رسمة زمان أول..وحنّا صغار لـو تذكـر=هذاك القلب أبو سهمٍ يمـر بداخلـه مطعـون
بنفس الجرح في شكله ولكن في الألـم أكثـر=تجبّر قلبك وأرسل سهم حـد الغـدر مسنـون
كسر خاطر فؤادٍ حب ولا ظن الكسـر يجبَـر=خصوص إن كان هالكاسر غرامٍ بالحشا مكنون
وأناالكاسر وأناالمكسور وأنااللّي دايـمٍ يخسـر=وأنا اللي قد ما عانى يظل العاشـق المفتـون
يظل المركب الساير إلا هـبّ الهبـوب أبحـر=واذا ما الريح ذي هبّت يتوهولا يلاقي عـون
يتوهبدنيـةٍ ظلمـا بهـا المسكيـن يتعـثّـر=بها الوافي بأطباعه يحب اللي يحـب يخـون
بها اللي مهتني بالحب عـدوٍ قاسـي ويقهـر=بها المغليٍ لخلاّنه يجازى بالرّخِـص والهـون
بهاالصادق بهاالكاذب بهااللي مايحـب أشطـر=من اللي كل ماقلبه شكى همّه غـدا محـزون
يِحَسْب إنّه يحب ليلى وهو قيس اللي ما يقـدر=يفارق بنت عمّه يوم ويصبح هايـم ومجنـون
نسى انّه في زمن قاسي زمن فيه الغرام أخطر=من أخطر ماخطر يومٍ على خاطرْه وخاف يكون


.. الصمت ..

[غيث]

أخوي نجم السواري صح لساااااااااااااااااانك ,,,,
أخوي البحر فعلاً من أروع ماأخترت
يكفي البيت :
** والعبره اللي تاصل الحلق وتحير ******ياقربها لا قيل لي ياعويني

بيض الله وجيهكم
نبي مثل هاالنشاط
لاهنتم......................

[نجم السواري]

صح لسانك يابحر أبيات جميله ورائعه ولا تحرمنا جديدك

[نجم السواري]

مشكور اخوي Dawn على هذه الأبيات وصح لسانك

[نجم السواري]

صح لسانك ماحلاها من أبيات
وخاصة
وأناالكاسر وأناالمكسور وأنااللّي دايـمٍ يخسـر وأنا اللي قد ما عانى يظل العاشـق المفتـون