لهل الهوى صغت كسراتي

[فايز ال محيسن]

(1)=
لي خل طبع الجفاء عاده = عنده ولاهو مبدلها
والميل كل يوم فزياده = و الحظ ماهو معدلها


(2)=
الجرح في ضامري مخفيه = مخفي عن العين لاتشوفه
من خوف لا شافته تبكيه = ودموعي للناس مكشوفه

(3)=
لي قلب ياناس مشقيني = فدرب الهوى دايماً ساير
مايوم للصد يهديني = والخل دايم لنا جاير

(4)=
أنسان معروف بالنسيان = ونار الهوى دوم ماتنسى
أنشد راعي الهوى يافلان = من قبل لاتقولي أنسى

(5)=
اقدى على سهيل لامن بان = ولا الجدى ماقتديبه يوم
لني انا العاشق الولهان = دارس بروج الفلك ونجوم

(6)=
اغطس فغب البحر بالهم = واطلع وهمي معي لازال
لايوم من همنا نسلم = كل يوم قلبي شكيله حال

(7)=
لهل الهوى صغت كسراتي = من قلب باني لكم ابيات
وأغصان هلت بعبراتي = وحروف زادت لنا اهات

[مغول الشعر]

صح لسانك مليااااار على هذه الروائع وبيض الله وجهك
وتمنيت لو انك وضعت كل كسره بموضوع خاص
لأنها قمة بالجمال وكل كسره افضل من الاخرى
سلمت ياغالي وننتظر جديدك
تحياتي وتقديري

[قادم من بعيد]

اشكر اخى الشاعر // فايز

على مشاركته المميزه



لك حرف ممبدع ورائع
فلا تحرمنا من تواجدك
تحيتى لك