.:. قالوا تحبه .:.

[كتكوت مفلوت]

قالوا تحبه قلت مــا هو بالحيل

بس انه أغلا شوي من نور عيني

يسوى جميع الجيل الأول وهالجيل

واحبابي المــــاضين والمقبلين

شوقي له أعظم من ظمى الأرض للسيل

واشفق عليــه أكثر من أم الجنيني

واحتاج له حاجة ثرى مصر للنيل

وعليه أغـــار أكثر من الوالدين

أشتــاق له شوق المحبين لليل

وارتــاح له راحت دموع الحزين

لا صار جنبي لو سنه وقتي بخيل

ولو غاب لو لحظة صارت سنيني

قـالوا يحبك قلت هذا هو الويل

مــا ودي أنشد ثم رفضه يجيني

واهدم رجاي بدبرتي مثل ما قيل

والأفضل أحيــا بالأمل لو لحيني

يــا حبكم يا ناس للقال والقيلي

الله يجازي . . جملة العــاذليني

خلوني أحيا في الوهم يالعواذيل

وش دخلكم والأمر بينــه وبيني







سعود بن بندر

[| | فرآسنشينو ..]

الللللللله
مشكور كتكوت على هذا النقل الرائع
وبصراحة شعر يحمل الكثير من المعاني والبناء
أكرر شكري لك عزيزي......نانووووك

[كتكوت مفلوت]

هلا والله .:. نانووووووووووووك .:.

.:. مشكووووووووور على مرورك .:. بما أنك أول واحد مشارك والموضوع قديم لك مني هدية تفضل .:. :date: .:.

[المجهول]

مشكوووووووور كتكوت على القصيدة
كلمات جدا رائعة تسلم يدك على النقل الحلو

[كتكوت مفلوت]

.:. شكرا خاص للـ .:. مجهول .:. على مرورك .:.

.:. بس أحب أقلك الهدية لأول واحد بس .:. خهههههههههههههههههه .:.