يا ملاك سحرني

[مذهــل]

قصيدة لـلشاعر خالد بن سعود الكبير

أتمنى إن ينال نقلي على إعجابكم :)

~
|
~

ياملاكٍ سحرنـي بالحيـاء والوقـار .. يوم جيت بطريقه حاز مثـل الظبـي


رحت لجلة يمين وراغ عنـي يسـار .. أغيـدٍ مـا يعوقـه عـوده اللولبـي


خزني بالنواظر واستحـى واستـدار .. وحال بيني وبينـه لابسـات العبـي


نور وجهه وراهن مثل شمس النهـار .. لي تتقت ورى مـزنٍ مسيـره حبـي


لي تسلل شعاعـه بينهـن واستنـار .. قلت سبحان ربٍ يبـدع اللـي يبـي


هالني منه نورٍ فيـه سحـر ونضـار .. ربربيّ المحاسـن والضيـاء كوكبـي


أحور الطرف .. فرعه فيه لمحة شقار .. والبهـا والحلايـا والخجـل يعربـي


راح واقفى وصدري فيه تخفيق طـار .. يضربه خافق اللي للحسـن يطربـي


واشتعل في الحنايا والسراجيف نـار .. والهوى قام يدبي في عروقـي دبـي


والقدم في مكانه ياهل العـرف حـار .. والخفوق المشقّى راح معهـم سبـي


وانغمس خاطر اللي ضاع منه القرار ..خبرته بالتعشّق يوم تـوه صبـي


يوم طرد الجوازي ما نرى فيه عـار .. بندقي في يمينـي أو علـى منكبـي


أتبع الصيد لو هو في لحاليـح غـار .. والجهد ماثناني عـن هـوى مطلبـي


ماتثاقلت رجلي لـو يطـول المسـار .. والرفيق المبـاري مذهبـه مذهبـي


مير حالي تغيـر والزمـان استـدار .. والعذر من فتونٍ مـاب زينـه غبـي


له سلام البلابـل والنغـر والهـزار .. ورحب ورقٍ ترنّـم باللحـن يرعبـي

[بنت ذآك الأمير]

إبـــداع خيوووو

جمييييييييييييل مااختارته لنا ذائقتك الرائـعـه

تقبل مــرووري








.

[مذهــل]

تسلمي اختي ..

وحضورك كان أجمل .

كوني بخير

[عاشقة ديليشز]

مبددددددددددددددع ومذهل وكل شي

اختيار فن وذوق

[لموش]

خياااااااااااااااااااااااااال<<تقبل مروري