المساعد الشخصي الرقمي

مشاهدة النسخة كاملة : مطاعم البوفيه المفتوح.. في ينبع


جنوني ولدي
26-12-2010, 05:00 PM
السلام عليكم..

مساااااااااااااااااء الخير..

كيفكم...

انا عضوة جديدة على المنتدي... وبرضه جديدة على مدينتكم الرائعه....

حااااااااااابه اسأل..

ايش افضل المطاعم او الفنادق..

تقدم الغداء او العشاء بوفيه مفتوح.. والاسعار للشخص كم؟؟

رحنا مرره لتوليب إن في رمضان..
ماشاااااااااااااء الله اكلهم شامل وحلو..

ورحنا له برضه بعد رمضان غداء... برضه حلو.. بس مافيه اشياء كثيرة؟؟
الرز نوع واحد.. ابيض..


يعني في رمضان مايتفوت ماشاء الله..


اتمنى تساااااااااااااااااعدون لان حاااااااااابه اعزم زوجي:z019:

فالله يخليكم لاتفشلوني؟؟

انتظرررررررررررررررررررركم

:z047:

G.F.Fashion
26-12-2010, 09:00 PM
شوفي عندك مطعم الاسطوره يقولو لذيذ وراديسون ساس واااااااو من جد انا جربتو ميه ميه والشخص اظن 120 وكمان عندك موفنبيك جلستو تجنن عالبحر

جنوني ولدي
27-12-2010, 09:20 AM
يسلموووووووووو يالغلا على الرد..
وراديسون ساس... جربتيه غداء او عشاء... والاكلات عندهم كثيرة ومتنوعه؟؟... لان اختك في الله.. ماتأكل حميع انواع اللحم الاحمر... بس الدجاج؟؟

اذا ماعليك امر... ومتذكره الاطباق... ياليت تقوليها..


موفنبيك... بكم الشخص؟؟

تشكراااااااااااااتي

G.F.Fashion
27-12-2010, 11:12 PM
والله انا اروح راديسون يوم السي فوود لاني من عشاق الجمبري بانواعه او الباربكيو وبالنسبه للموفنبيك 170 او 150 في مطعم عندنا في الهيئه اسمو المحيط الهندي الصيني كمان وااااااااااو وكمان في مطعم اسمو بيت الساتي للماكولات الجاويه لو انت من عشاق الجاوي يجنننن

جنوني ولدي
28-12-2010, 10:12 AM
والله انا اروح راديسون يوم السي فوود لاني من عشاق الجمبري بانواعه او الباربكيو وبالنسبه للموفنبيك 170 او 150 في مطعم عندنا في الهيئه اسمو المحيط الهندي الصيني كمان وااااااااااو وكمان في مطعم اسمو بيت الساتي للماكولات الجاويه لو انت من عشاق الجاوي يجنننن

يعطيك العافية..
انك معطتني وجهه مشكوووووورة..:z019:

وراديسون.. ليش عندهم يعني ايام معينه؟؟ يعني كل يوم شئ؟؟
ياليت تقولين لي..

بس زوجي مرره راح عندهم.. العمل عندهم سوا عشاء فيه يقول مو حلو؟؟ ويقول يمكن الشركة هي اللى اختارت اطباق الاكل ماادري راح اتوقع يوم ثلاثاء..

طيب من احلى..

رايسون او موفبنيك؟؟

وتسلمين على المطاعم الثانية.. بس ودي بوفيه مفتوح..
بس ان شاء الله راح ازورها اكيد..

ومطعم المأكولات الجاويه؟؟ ايش هي؟؟:smile2:
لان مااعرف الا الفارموزا والمنتو فقط..


وعندي سال ثاني اذا ممكن..:z019:

راح استغلك ايش اسوي مافي الا انت رديتي عليه..

حبيت اسأل اذا تعرفين شاليهات بمسابح خاصه؟؟ حلوه.. وياليت الاسعار اذا ممكن؟؟

والف والف مليووووووووووووون شكر.. على الرد الجميل

G.F.Fashion
28-12-2010, 02:54 PM
والله انت مدلعه زوجك بزياده يتعزمي على بوفيه وبتسبحيه في مسبح خاص عيني ياعيني ياريت الكل زيك ماكان الرجال عرفوا بنات على حريمهم الله يسعدكم وماشالللللللله عشان لاتقولي حاسده هههههه المهم ياقمر الجاوي الله يسلمك يعني اندنوسي ايش دخل الجاوي في المنتو والفروزه هدا بخاري انا قلت بخاري اما بالنسبه للجلسه راديسون ولا موفنبيك اكيد الموفنبيك بس اتصلي واغرفي متى البوفي عالبحر وبالنسبه لراديسون كل يوم اصناف انت اسئلي متى السي فوود او الصيني فقط والشاليهات ماعرف الا الاحمدي وسعرها من الف لالف ونص حسب الغرف 00 عاد انشالله اكون خدمتك بس استناكي كمان في بوتيكي ولا ماعاد ارد انت حره هههههههه

جنوني ولدي
28-12-2010, 10:41 PM
والله انت مدلعه زوجك بزياده يتعزمي على بوفيه وبتسبحيه في مسبح خاص عيني ياعيني ياريت الكل زيك ماكان الرجال عرفوا بنات على حريمهم الله يسعدكم وماشالللللللله عشان لاتقولي حاسده هههههه المهم ياقمر الجاوي الله يسلمك يعني اندنوسي ايش دخل الجاوي في المنتو والفروزه هدا بخاري انا قلت بخاري اما بالنسبه للجلسه راديسون ولا موفنبيك اكيد الموفنبيك بس اتصلي واغرفي متى البوفي عالبحر وبالنسبه لراديسون كل يوم اصناف انت اسئلي متى السي فوود او الصيني فقط والشاليهات ماعرف الا الاحمدي وسعرها من الف لالف ونص حسب الغرف 00 عاد انشالله اكون خدمتك بس استناكي كمان في بوتيكي ولا ماعاد ارد انت حره هههههههه

لا حبيتي...:haha1:

ماراح اعزمه على شاليه.. راح هو يدفع.. وانا اسأل مو علشانه ولدي الله يحفظه يحب التسبيح مرررررررررره..

ولو كنت موظفه ماااراح اقصر معاه...


والاكل الجاوي والله مااعرف منه شئ؟؟
حبيت اسأل علشان ماازعجك مره ثانية.. ايش الاكلات الحلوة في هذا المطعم الجاوي؟؟:z033:


وعلى اي واحد احسن؟؟ مو قصدي الجلسه.. :f039:
اهم شئ الاكل؟؟:z033:

وماعندهم يوم معين فيه كل شئ؟؟؟

والشاليهات...
بس الاحمدي سألنا قال في الايام العادية.. مو اجازات سنويه.. او فيه مناسبات ب400 على مااظن..

ودولفين بيتش بدون مسبح وفي الايام العادية.. 800 ريال

وان شاء الله ازورك...

والف شكر..

G.F.Fashion
28-12-2010, 11:47 PM
الجاوي يجي صحن مشكل رز ابيض وفوقه 6 اصناف فاصوليا جمبري - وبطاطس - وكفتة بطاطس - واباغتي - ولحم ناشف يشبه السيريه اذا تعرفيه - وايدام لحم ويجي معاهم مرقه وكربو بس والله مررره طعم ومعا صوص حار

جنوني ولدي
29-12-2010, 01:25 PM
الجاوي يجي صحن مشكل رز ابيض وفوقه 6 اصناف فاصوليا جمبري - وبطاطس - وكفتة بطاطس - واباغتي - ولحم ناشف يشبه السيريه اذا تعرفيه - وايدام لحم ويجي معاهم مرقه وكربو بس والله مررره طعم ومعا صوص حار


يعطيك العافية..

بس زي ماقلت لك.. مااحب اللحم.. بس اكل من اللحوم الدجاج..

والحار.. مااحبه مرررررررررره..

وبغيت اسألك.. ايش هذا اباغتي؟؟ مكون من ايش؟؟

واللحم اللى قلت عليه مااعرفه..
اعرف بس الكربو.. واحبه؟؟
هو اللى بنقلي في الزيت وينتفخ صح؟؟:11ap:

ماردتي عليه..

اي احسن اكل.. واطباقه اكثر

راديسون ولا موفنبيك ؟؟

مووووووفقه

وبرضه ماردتي عليه .. في الرساله اللى ارسلتها على الخاص..:haha1:

G.F.Fashion
30-12-2010, 05:31 AM
راديسون اطعم في البحريات وموفنبيك في الايطالي

ام طلال الحر
13-02-2011, 10:32 PM
السلام عليكم ورحمة الله بركاته
اختي الله يعطيك العافيه ممكن تدلل علي موقع مطاعم الجاوي او الاندونسي

ولكي جزيلا الشكرا

G.F.Fashion
13-02-2011, 11:37 PM
في النواه بيت الساتي والمشويات للماكولات الاندنوسيه وكمان في وحده اسمها ام فريد رقمها 3250023

غرآم آطفال
14-02-2011, 01:11 PM
السلام عليكم

مداخله بالعرض <<

راديسون ساس

و

هوليدي إن

عندهم بوفيهات طول ايام الاسبوع ولا بس ايام الخميس

ونظامها زي موفنبيك بدري يكون الغدا والعشاء .......؟
ياليت تفيدوني

كيميائية متدربة
21-02-2011, 05:44 PM
عزيزتي مافي زي هوليدي ان في البوفيه المفتوح روحيه وماتندمي إن شاء الله بس اتصلي عليهم قبل وأسألي ايش عندهم نوع الأكل لأنوا كل يوم نووع وبالعااااااافية عليكم.....

شندوني
04-03-2011, 03:25 PM
والله الموفنبيك مافيه مثله اكله حلو وغير كذا مكانه يفتح النفس

وفيه هوليدي ان اكلاته حلوه

وفي منتجع اراك اتذكر كان فيه نادي مغلق وفيه مسبح تقدري تاخذي ولدك وتوديه يسبح هناك اذا كان صغير

وموفقه يارب

جنوني ولدي
12-03-2011, 08:30 PM
عزيزتي مافي زي هوليدي ان في البوفيه المفتوح روحيه وماتندمي إن شاء الله بس اتصلي عليهم قبل وأسألي ايش عندهم نوع الأكل لأنوا كل يوم نووع وبالعااااااافية عليكم.....


يعطيك العافيه...

طيب حبيت اسال كيف اسعارهم؟؟

وماعندهم يوم معين يقدم كل الاكلات؟؟

والف شكر..

كيميائية متدربة
13-03-2011, 08:30 PM
يعطيك العافيه...

طيب حبيت اسال كيف اسعارهم؟؟

وماعندهم يوم معين يقدم كل الاكلات؟؟

والف شكر..

اسعارهم تقريبا 125 ريال مع الخدمة وبالنسبة للأكلات عندك يوم الجمعة على الغذاء يقدم جميع أنواع الأكلات و|أغلبها أكل عربي والحلو فيه انوا فيه صالة يوم الجمعة يفتحوها للأطفال يلعبوا وفيها بوفيه خاص لهم وسعر الأطفال أعتقد اقل من 4 أو 5 سنوات مجانا وبس ,, إن شاء الله تنبسطي وترتاحي انت وولدك وزوجك..:11umbup:

ll-lost-ll
17-03-2011, 06:27 PM
:pinch::getlost:

جنوني ولدي
21-04-2011, 08:13 PM
اسعارهم تقريبا 125 ريال مع الخدمة وبالنسبة للأكلات عندك يوم الجمعة على الغذاء يقدم جميع أنواع الأكلات و|أغلبها أكل عربي والحلو فيه انوا فيه صالة يوم الجمعة يفتحوها للأطفال يلعبوا وفيها بوفيه خاص لهم وسعر الأطفال أعتقد اقل من 4 أو 5 سنوات مجانا وبس ,, إن شاء الله تنبسطي وترتاحي انت وولدك وزوجك..:11umbup:


يعطيك الف الف عافية..

ياااااااااااااااااااليت شفت رد قبل :11ostride
بكره ان شاء الله الفجر مسافرين:adore:

ان شاء الله اروح له..


حبيت اسألك اذا ممكن؟؟

ايش الاكلات اللى موجودة عندهم الرز فيه انواع والدجاج انواع؟؟ لان مااكل اللحم؟؟

الله يسعدك ان شاء الله.. اذا متذكر الاطباق ياليت تقولين لي ماهمتني الحلويات او المقبلات اهم شئ الاكل الاطباق الرئسيه؟؟

الله يجزاك كل خير
يـــــــــــــــــــــــــــــــــــــــــــــارب. .

كيميائية متدربة
22-04-2011, 05:12 PM
الله يعافيكي يارب... عزيزتي أنا كمان ماأكل لحم أبــــــــــــــــــــــــــــــــداً...والأكل متنوع عشان كدا روحي وانت مطمأنة وباألف عافية:)

بيبسى دايت
27-04-2011, 04:07 PM
ما فى احلى من موفن بيك يوم الجمعة اكله حلو كتير وبسوى بريانى بجنن خدى الارز مع سلطة الزبادى والفيليه طعمه روعة عنده اما الحلويات ما بكترو منها الى بحب الحلويات يروح هوليدى ان عندهم كل الحلويات وبالاخص ام على ما حد بضبطها غيرهم اما الرديسون ساس فندق بصلح للعزاب وغير الريحة الى بتنفر نظافة الموفن بيك والهوليدى ان روعة ما فى بعدها والسعر ما بعرفه بالضبط لانه معزومة بروح مع حبيبى للابد

MANSOOR
04-05-2011, 12:10 AM
€ههههههه‏?خبلة وتستخبل‏&‏:11oto:

ضحى
13-05-2011, 11:33 AM
صبااااح الخير
متى بوفيه موفنبيك الافطار

أم إلياس
12-06-2011, 01:10 AM
أنا رأيي إنك تعزمينوه في البيك ههههههههههههههههههههه
حتى يكون الجو رمنسي هههههههههههه
تقبلي مروري..............

فرانك ريبيرى
26-09-2011, 05:39 AM
بسم الله الرحمن الرحيم
نقدم لكم مطعم أرزاق الكوثر فرع مدينة نصر
وهو يقدم كل ما تشتهونه من مأكولات و أكثر
و شكراٌ
مطعم ارزاق الكوثر (http://www.arzak-alqawther.com/restaurant-arzak-al-qawther.html)

حبيب عمري ليان
28-03-2012, 04:52 AM
وين مكان بوتيك

رومنسيه حدي
29-03-2012, 01:32 AM
احلى شيء موفنبيك ..
موفقة حبيبتي