..ili.ReMa_aL.ili..
21-04-2005, 02:10 PM
بسم الله الرحمن الرحيم
طبعا ركزوا معا لانو مهم نوعا ما..
بداية الموضوع دعوة لاستراجاع شريط حياتك الدراسية من أول ما دخلت المدرسة اللين اليوم سواء كنت فمدرسة أو جامعه أو بتشتغل وبتتعلم من كتب وتاخد دورات.
خد وقتك في التفكير ..
:11ccer:
بعد ما تخلص التفكير والاسترجاع حاول انك تشوف ايش اللي استفدتو من العلم اللي عندك على ارض الواقع بعيد عن الشهادات والدرجات وعبارات الشكر والتقدير ...
تقريباً حتقول فوائد لا تذكر .. :11_ike:
طيب ندخل في الكلام المهم واللي خلاني اكتب الموضوع
تصدقو انو مو بس كل مرحلة دراسية استفدتو منها
لأ .. ولا كل مادة استفدتو منها
ازيدكم من الشعر بيت على قولهم ...
كل موقف فحياتك صدقني انك استفدت منو بطريقة أو بأخرى .. :blink1:
اليوم وانا جالسة برتب كتبي طالعت فحياتي
وسألت نفسي السؤال دا :
هل في مادة من المواد الي درستها- لمجرد اني اتقدم مرحلة دراسية وفي النهاية اطلع منها بشهادة شكر وهل استفدت منها فحياتي بعيد عن اسوار الدراسة .. ؟
:blink1: فكرت :blink1:
وبصراحة جاتني حالة ذهول .. :pinch:
حقلكم على حاجة وحدة من الحاجات الكتير اللي اكتشفتها وابغاكم تعيشو معايا الوضع ..
من فترى بسيطة وانا احوالي اختلفت كتير وحياتي اتشقلبت فوق تحت والمشاكل سارت هيا كل حياتي..
ارجع افكركم حاولو تعيشو الوضع عشان توصلكم الفكرة كويس ..
..كنت عايشة فنعيم وعز ولله الحمد .. الطلبات اوامر .. المصروف الشهري ما لا يقل عن 1500ريال ما يجي نص الشهر الا وهيا مخلصة وباقي الشهر الله يخلي بابا ..
حياة حلوة..وراحة..صح كان في حاجات تضايق بس يمشي الحال..ودوام الحال من المحال :artist:
الفواتير حدث ولا حرج ... فاتورة انترنت وجوال وتلفون ثابت كلها على بعض توصل حوالي 4000 كل شهرين
وعلى دا الحال الأحوال المادية مية مية .. وبرضو كنت ابغى اكتر .
اكتر في السعادة والانبساط واني اسوي اللي ابغاه
وخلال فترة بسيطة جداً كل دا اتغير
وبسبب تغير الظروف سرت بس اذاكر عشان اثبت وجودي من تاني
استغنيت عن كمبيوتري ونسيت حاجة اسمها كمبيوتر في البيت
استغنيت عن التلفون الثابت والجوال
استغنيت عن كل حاجة وحاجات محد يتوقعها
كدا بس ...؟
لأ :11oth:
سرت امشي حالي بالمصروف اليومي وبس
طبعا تشمل الطلبات المدرسية لانو اي حاجة كنا بالمصروف الشهري نجيبها والباقي الله يخلي بابا
في البداية اول ما جات النكسة المعنوية اللي فوقتني بعد كدا تعبت وسرت بس افكر اني ابعد عن اي شي يسببلي مشاكل لانو وحدة في عمري تبغى تعيش حياتها خاصة اني بنت بس كل مرا افشل الين حاولت اثبت وجودي وطبعا كان في حاجات تلهيني..زي الاغاني النت والتلفون والاكسوارات واللبس والمكياج والصاحبات .... الخ اشياء ماتخلص
قول الولد اهون يادوب سيارة وفلوس لها ولبس وتسديد فواتير يعني لو بالحساب البنت تصرف اكتر من الشاب بمعدل الضعف دا الطلبة بس عاد كيف الروس الكبيرة
لكن الحمد لله قدرت اوزن نفسي وافكر في الماضي وابني عليه المستقبل وزبطت اموري كلها
نجي للشاهد من الموضوع دا كلو
صاحباتي واعز ناس حوليا لاحظو التغير دا واستغربو اني كيف قدرت اسوي دا كلو
وطبعا كان في اللي يحاول يهدمني كنت زي العمارة اللي بتتبني والهوا القوي يحد طابق من طوابقها
تعرفو الفضل بعد الله سبحانه وتعالى لمين
يكمن يكون حاجة مرة ما تتوقعها ولا انا كنت اتوقعها
مادة علم النفس والتوحيد والتقافة الاسلامية
صحيح انو مادة الثقافة كنت فاشلة فيها في الترم الاول وبمعنى اصح في اول مابدينا ندرسها الا انو هياوالتوحيد
وعلم النفس غيرو حياتي
طبعا اضيف انو حبي لانو حياتي تاخد مجرى مختلف قدرت اتغلب على كل حاجة وارجع كل حاجة زي ماكانت واحسن
طبعا وانا بشوف حياتي كيف كل كلمة وكل محاضرة مرة عليا افتكرها وافتكر الكلام اللي انقال فيها..
لو سار كدا تقدري تسوي كدا
ولو حصل موقف او شي تقدري تكيفي نفسك مع الظروف
وكيف انو ممكن يكون عندك حياو حلوة مافيها يأس
فلا يأس مع الحياة ولا حياة مع الياس
وكانت كل كلمة تجي في بالي لها اثر اقوى في حياتي
طبعا انا عارفا من زمان انو الاغاني حرام بس الله يغفرلي
كنت أسوف واقول بعدين
لكن الدروس اللي بناخدها بتقوي فيا دا الجانب
الين بدأت مااشتري اشرطة جات الاغنية جات ماجات الله لا يرجعها
طبعا الين دحين اسمع بس احسن من اول بكتيرررر الحمدلله والله يزيدني يارب :) :11rob: :)
وعشان كان في وقت مر انو مصروفي يقل
فسرت اتذكر انو مثلا لما انزل السوق انسى تماما اني اشتري شي مالو داعي
مثلا تحف.. كتب ..ادوات فنية لجنوني بها سرت يادوب الضروروي وبس
غير كدا انو برضو من فترة زادت الضغوط على بابا في العمل فاضطرينا نقلل من طلبات البيت
يعني بس اللازم ومو كل يوم سوبر ماركت وطلبات والسواق يفضل رايح جي
والحمدلله رجع الحال احسن من اول بمليون مرا ولله الحمد
طبعا على نطاق الروح المعنوية وزيادة التقوى دي كانت نقطة في بحر من الاشياء اللي اتذكرها في حياتي
حتقولو كيف.. :11ccer:
اول نقطة اني قدرت اكون زي ماانا واستغنيت بس عن الشي اللي مو ضروري
تاني نقطة اني احط في بالي اني تبع للقدر مكان مايروح انا معاه ومااقول ليش سار وليش مدري ايش؟
اخلي في بالي انو مافي احد يحبني يكرهلي الخير وانو طالما في بابا معناه انو هيا دي حياتي وبس
ولا اخرج عنها مهما كان
كمان انو الصاحب ساحب يعني مو اتعرف على وحدة ابوها ملياردير واقول لازم اسوي زيها لاء..مافي احلى من البساطة
كتير يا رب بس اللي ذكرتها في الموضوع هنا
التلفون وطبعا كان قبلها جوال
الكمبيوتر والانترنت في البيت
لوازم البنات من الى..
تاني نقطة الضروريات اللي استبدلتها بحاجات تؤدي نفس الغرض
صحيح ممكن ما تجي فبالكم لكن شوفو مفعولها ايش يسوي شوفو معايا
استبدلت الاكسسوارت من اكسسواريز او كليرز با كسسوارات انا اسويها بنفسي
وطالعة مرا حلوة..وبنات كتير ساروا يطلبوها مني وانا شغالة اعلم بس.. :11istling
حاسة كاني بشحت بس المهم توصل الفكرة.. :blink1:
ماتصدقو قد ايش يتوفي معايا مارح اقلكم
وحاجات تانية طبعا لاني من الهاويين للرسم فطلباتو غالية وماتخلص وانا من النوع بعيد عنكم مااخد شي مشي حالك يازي الاوادم يا عني مارسمت يعني اروح المكتبة اشتري فرشتين بدل مااشتري مجموعة
زيت ومثبت الوان ممكن تترسم لوحة بدونهم فاستغنيت عنها
وكمان الالوان اللي اقدر اسويها اسويها بدل مااشتريها
وكمان بطاقات للفايلات واستكرات انا سرت اسويها بنفسي
وحاجات زي كدا ..
في النهاية تعرفو ايش اللي سار
200 ريال في الشهر تكفي اكمل بيها شهر وتزيد
ودحين جا وقت الدنيا ايش علمتني..
اتعلمت انو مو كل ماتتمناه تلاقيه بس خلي عندك امل ورغبة انك تمتلكه وانت تلاقيه
اتعلمت انو الصدق مع النفس اهم من الصدق مع الناس
وكمان الصدق يخلي الحياة وكل اللي تقابلهم يصدقو معاك
صح في حاجة انا دحين رجعت لها الا هيا الماسنجر بس لغرض اول كان بس كدا تسلية
الغرض اني اتعرف على الناس وارجع زي ماكنت طبعا بخلاف الحاجات الغلط اللي مستحيل ارجعلها
واقرب شي البارح حسيت انو انا من جد ماتفرق معايا
احد الاعضاء مالو ساعة مسجل في المنتدى اضافني قبلت الاضافة
بدايتا كان كلامو مبهم مافهمت ايش يبغى
اتحملت ثقالة دمو وكلامو اللي مالو داعي الين وصلت معايا بس لاني اتعلمت اني اكون باردة في الشي اللي مايستاهل
سبتو يتكلم واخر شي جلس يتفلسف على راسي
وانو بالمختصر المفيد يبغى يشوه سمعتي في المنتدى
طبعا انا ماهمني ولو كان في المحادثة مسجلة كان نزلتها بس للاسف مافي :blink1:
وعلى فكرا رح ينزل موضوع لو اليوم ويبغاني اشوفه لكن انا مارح اشوفه اتسلو عليه انتو الين اشوفه السبت باذن الله
والحق لله..
يمكن لو كنت في دا الموقف قبل سنة كان عصبت وزعلت وماعرفت اتصرف
والحمدلله ..ومن يتوكل على الله فهو حسبه..
انشالله اكون وصلت المعلومة وتكون الفكرة وصلتكم من خلال الكلام كلو..
وزي ما يقولو في الحركة بركة والله قادر على كل شي ماوقفت مكاني وقلت دا اللي سار لاء قمت اقوى من اول
ولا سار يهمني احد سرت اسعى اني احقق ذاتي واثبت اقدامي في ارض الواقع من دون مااتفرج عليها من بعيد
ولا فضلت اقول انا انجرحت وانا انكسرت وانا وانا..لاء
وترا الهم والغم اللي يصيب الانسان من الشيطان
والله لا يوريكم ايام سودا فحياتكم...
ولا يسلط عليكم احد
على بالكم خلص الموضوع
لا لسه بقي شوية
بعد ما قريت الموضوع الطويل العريض دا
شوف فحياتك ايش اللي استفدتو من دراستك للمواد طول حياتك
صدقني حتكتشف اشياء كتير
والاكتشاف دا اللي محا ياخد من وقتك كتير
حيفيدك بشكل كبير جدا
حتعرف كيف تفكر
وكيف تستخدم كل علم اتعلمتو عشان تطبقو فحياتك
انشالله الموضوع يكون عجبكم
وانشالله كل واحد مننا بيستفيد من كل حاجة حوالينو عشان يحسن من نفسو
واي خدمة
اختكم
رمـــــــــــــــــــremalـــــــــــــــــــــال :11istling
طبعا ركزوا معا لانو مهم نوعا ما..
بداية الموضوع دعوة لاستراجاع شريط حياتك الدراسية من أول ما دخلت المدرسة اللين اليوم سواء كنت فمدرسة أو جامعه أو بتشتغل وبتتعلم من كتب وتاخد دورات.
خد وقتك في التفكير ..
:11ccer:
بعد ما تخلص التفكير والاسترجاع حاول انك تشوف ايش اللي استفدتو من العلم اللي عندك على ارض الواقع بعيد عن الشهادات والدرجات وعبارات الشكر والتقدير ...
تقريباً حتقول فوائد لا تذكر .. :11_ike:
طيب ندخل في الكلام المهم واللي خلاني اكتب الموضوع
تصدقو انو مو بس كل مرحلة دراسية استفدتو منها
لأ .. ولا كل مادة استفدتو منها
ازيدكم من الشعر بيت على قولهم ...
كل موقف فحياتك صدقني انك استفدت منو بطريقة أو بأخرى .. :blink1:
اليوم وانا جالسة برتب كتبي طالعت فحياتي
وسألت نفسي السؤال دا :
هل في مادة من المواد الي درستها- لمجرد اني اتقدم مرحلة دراسية وفي النهاية اطلع منها بشهادة شكر وهل استفدت منها فحياتي بعيد عن اسوار الدراسة .. ؟
:blink1: فكرت :blink1:
وبصراحة جاتني حالة ذهول .. :pinch:
حقلكم على حاجة وحدة من الحاجات الكتير اللي اكتشفتها وابغاكم تعيشو معايا الوضع ..
من فترى بسيطة وانا احوالي اختلفت كتير وحياتي اتشقلبت فوق تحت والمشاكل سارت هيا كل حياتي..
ارجع افكركم حاولو تعيشو الوضع عشان توصلكم الفكرة كويس ..
..كنت عايشة فنعيم وعز ولله الحمد .. الطلبات اوامر .. المصروف الشهري ما لا يقل عن 1500ريال ما يجي نص الشهر الا وهيا مخلصة وباقي الشهر الله يخلي بابا ..
حياة حلوة..وراحة..صح كان في حاجات تضايق بس يمشي الحال..ودوام الحال من المحال :artist:
الفواتير حدث ولا حرج ... فاتورة انترنت وجوال وتلفون ثابت كلها على بعض توصل حوالي 4000 كل شهرين
وعلى دا الحال الأحوال المادية مية مية .. وبرضو كنت ابغى اكتر .
اكتر في السعادة والانبساط واني اسوي اللي ابغاه
وخلال فترة بسيطة جداً كل دا اتغير
وبسبب تغير الظروف سرت بس اذاكر عشان اثبت وجودي من تاني
استغنيت عن كمبيوتري ونسيت حاجة اسمها كمبيوتر في البيت
استغنيت عن التلفون الثابت والجوال
استغنيت عن كل حاجة وحاجات محد يتوقعها
كدا بس ...؟
لأ :11oth:
سرت امشي حالي بالمصروف اليومي وبس
طبعا تشمل الطلبات المدرسية لانو اي حاجة كنا بالمصروف الشهري نجيبها والباقي الله يخلي بابا
في البداية اول ما جات النكسة المعنوية اللي فوقتني بعد كدا تعبت وسرت بس افكر اني ابعد عن اي شي يسببلي مشاكل لانو وحدة في عمري تبغى تعيش حياتها خاصة اني بنت بس كل مرا افشل الين حاولت اثبت وجودي وطبعا كان في حاجات تلهيني..زي الاغاني النت والتلفون والاكسوارات واللبس والمكياج والصاحبات .... الخ اشياء ماتخلص
قول الولد اهون يادوب سيارة وفلوس لها ولبس وتسديد فواتير يعني لو بالحساب البنت تصرف اكتر من الشاب بمعدل الضعف دا الطلبة بس عاد كيف الروس الكبيرة
لكن الحمد لله قدرت اوزن نفسي وافكر في الماضي وابني عليه المستقبل وزبطت اموري كلها
نجي للشاهد من الموضوع دا كلو
صاحباتي واعز ناس حوليا لاحظو التغير دا واستغربو اني كيف قدرت اسوي دا كلو
وطبعا كان في اللي يحاول يهدمني كنت زي العمارة اللي بتتبني والهوا القوي يحد طابق من طوابقها
تعرفو الفضل بعد الله سبحانه وتعالى لمين
يكمن يكون حاجة مرة ما تتوقعها ولا انا كنت اتوقعها
مادة علم النفس والتوحيد والتقافة الاسلامية
صحيح انو مادة الثقافة كنت فاشلة فيها في الترم الاول وبمعنى اصح في اول مابدينا ندرسها الا انو هياوالتوحيد
وعلم النفس غيرو حياتي
طبعا اضيف انو حبي لانو حياتي تاخد مجرى مختلف قدرت اتغلب على كل حاجة وارجع كل حاجة زي ماكانت واحسن
طبعا وانا بشوف حياتي كيف كل كلمة وكل محاضرة مرة عليا افتكرها وافتكر الكلام اللي انقال فيها..
لو سار كدا تقدري تسوي كدا
ولو حصل موقف او شي تقدري تكيفي نفسك مع الظروف
وكيف انو ممكن يكون عندك حياو حلوة مافيها يأس
فلا يأس مع الحياة ولا حياة مع الياس
وكانت كل كلمة تجي في بالي لها اثر اقوى في حياتي
طبعا انا عارفا من زمان انو الاغاني حرام بس الله يغفرلي
كنت أسوف واقول بعدين
لكن الدروس اللي بناخدها بتقوي فيا دا الجانب
الين بدأت مااشتري اشرطة جات الاغنية جات ماجات الله لا يرجعها
طبعا الين دحين اسمع بس احسن من اول بكتيرررر الحمدلله والله يزيدني يارب :) :11rob: :)
وعشان كان في وقت مر انو مصروفي يقل
فسرت اتذكر انو مثلا لما انزل السوق انسى تماما اني اشتري شي مالو داعي
مثلا تحف.. كتب ..ادوات فنية لجنوني بها سرت يادوب الضروروي وبس
غير كدا انو برضو من فترة زادت الضغوط على بابا في العمل فاضطرينا نقلل من طلبات البيت
يعني بس اللازم ومو كل يوم سوبر ماركت وطلبات والسواق يفضل رايح جي
والحمدلله رجع الحال احسن من اول بمليون مرا ولله الحمد
طبعا على نطاق الروح المعنوية وزيادة التقوى دي كانت نقطة في بحر من الاشياء اللي اتذكرها في حياتي
حتقولو كيف.. :11ccer:
اول نقطة اني قدرت اكون زي ماانا واستغنيت بس عن الشي اللي مو ضروري
تاني نقطة اني احط في بالي اني تبع للقدر مكان مايروح انا معاه ومااقول ليش سار وليش مدري ايش؟
اخلي في بالي انو مافي احد يحبني يكرهلي الخير وانو طالما في بابا معناه انو هيا دي حياتي وبس
ولا اخرج عنها مهما كان
كمان انو الصاحب ساحب يعني مو اتعرف على وحدة ابوها ملياردير واقول لازم اسوي زيها لاء..مافي احلى من البساطة
كتير يا رب بس اللي ذكرتها في الموضوع هنا
التلفون وطبعا كان قبلها جوال
الكمبيوتر والانترنت في البيت
لوازم البنات من الى..
تاني نقطة الضروريات اللي استبدلتها بحاجات تؤدي نفس الغرض
صحيح ممكن ما تجي فبالكم لكن شوفو مفعولها ايش يسوي شوفو معايا
استبدلت الاكسسوارت من اكسسواريز او كليرز با كسسوارات انا اسويها بنفسي
وطالعة مرا حلوة..وبنات كتير ساروا يطلبوها مني وانا شغالة اعلم بس.. :11istling
حاسة كاني بشحت بس المهم توصل الفكرة.. :blink1:
ماتصدقو قد ايش يتوفي معايا مارح اقلكم
وحاجات تانية طبعا لاني من الهاويين للرسم فطلباتو غالية وماتخلص وانا من النوع بعيد عنكم مااخد شي مشي حالك يازي الاوادم يا عني مارسمت يعني اروح المكتبة اشتري فرشتين بدل مااشتري مجموعة
زيت ومثبت الوان ممكن تترسم لوحة بدونهم فاستغنيت عنها
وكمان الالوان اللي اقدر اسويها اسويها بدل مااشتريها
وكمان بطاقات للفايلات واستكرات انا سرت اسويها بنفسي
وحاجات زي كدا ..
في النهاية تعرفو ايش اللي سار
200 ريال في الشهر تكفي اكمل بيها شهر وتزيد
ودحين جا وقت الدنيا ايش علمتني..
اتعلمت انو مو كل ماتتمناه تلاقيه بس خلي عندك امل ورغبة انك تمتلكه وانت تلاقيه
اتعلمت انو الصدق مع النفس اهم من الصدق مع الناس
وكمان الصدق يخلي الحياة وكل اللي تقابلهم يصدقو معاك
صح في حاجة انا دحين رجعت لها الا هيا الماسنجر بس لغرض اول كان بس كدا تسلية
الغرض اني اتعرف على الناس وارجع زي ماكنت طبعا بخلاف الحاجات الغلط اللي مستحيل ارجعلها
واقرب شي البارح حسيت انو انا من جد ماتفرق معايا
احد الاعضاء مالو ساعة مسجل في المنتدى اضافني قبلت الاضافة
بدايتا كان كلامو مبهم مافهمت ايش يبغى
اتحملت ثقالة دمو وكلامو اللي مالو داعي الين وصلت معايا بس لاني اتعلمت اني اكون باردة في الشي اللي مايستاهل
سبتو يتكلم واخر شي جلس يتفلسف على راسي
وانو بالمختصر المفيد يبغى يشوه سمعتي في المنتدى
طبعا انا ماهمني ولو كان في المحادثة مسجلة كان نزلتها بس للاسف مافي :blink1:
وعلى فكرا رح ينزل موضوع لو اليوم ويبغاني اشوفه لكن انا مارح اشوفه اتسلو عليه انتو الين اشوفه السبت باذن الله
والحق لله..
يمكن لو كنت في دا الموقف قبل سنة كان عصبت وزعلت وماعرفت اتصرف
والحمدلله ..ومن يتوكل على الله فهو حسبه..
انشالله اكون وصلت المعلومة وتكون الفكرة وصلتكم من خلال الكلام كلو..
وزي ما يقولو في الحركة بركة والله قادر على كل شي ماوقفت مكاني وقلت دا اللي سار لاء قمت اقوى من اول
ولا سار يهمني احد سرت اسعى اني احقق ذاتي واثبت اقدامي في ارض الواقع من دون مااتفرج عليها من بعيد
ولا فضلت اقول انا انجرحت وانا انكسرت وانا وانا..لاء
وترا الهم والغم اللي يصيب الانسان من الشيطان
والله لا يوريكم ايام سودا فحياتكم...
ولا يسلط عليكم احد
على بالكم خلص الموضوع
لا لسه بقي شوية
بعد ما قريت الموضوع الطويل العريض دا
شوف فحياتك ايش اللي استفدتو من دراستك للمواد طول حياتك
صدقني حتكتشف اشياء كتير
والاكتشاف دا اللي محا ياخد من وقتك كتير
حيفيدك بشكل كبير جدا
حتعرف كيف تفكر
وكيف تستخدم كل علم اتعلمتو عشان تطبقو فحياتك
انشالله الموضوع يكون عجبكم
وانشالله كل واحد مننا بيستفيد من كل حاجة حوالينو عشان يحسن من نفسو
واي خدمة
اختكم
رمـــــــــــــــــــremalـــــــــــــــــــــال :11istling