!.ScRaNoOo.!
08-05-2005, 02:28 PM
السلام عليكم ورحمة الله وبركاته
من أول ما يطق العريس بيت أبوك الين يسحبك من يدك لعش الزوجيه
ويبدأ الهني موون وياعيني عاللي بيحصل
تمر مواقف كثير.. تضحك تبكي أحيا نا ودك الارض تنشق وتبلعك من زود الفشيله
بعد فتره تبقى كلها ذكريات.. ولازم نضحك عليها
هذي بعض المواقف اللي سمعت عنها.. ان شاء الله تعجبكم
وانتبهوا يا بنات لازم تاخذون احتياطاتكم.. ومع كذا ما ينفع
نسيت أقول.. لا يسمح بمشاهدة الموضوع لمن هم أقل من 18 سنه
تونا طالعين من القاعه وداخليين الغرفه.. واخذ زوجي الجوال وبدا يكلم ويقول " ياشباب أهم شي أبو سهم.." " لا تنسون أبو سهم.."
ويعيد ويزيد على حكاية أبو سهم أنا جتني النفاضه وشو أبو سهم ذا من أولها
ماقدرت أجلس ولا أسوي شي.. وشوي وأصيح خايفه من أبو سهم
شوي والين الباب يطق.. حطيت يدي على قلبي
راح يفتح الباب.. ويوم رجع والينه شايل بيدينه العشاء + علكة أبو سهم
&&&&&&&&&&&&&&&&&
هذي وحده أول ليلة بعرسها دخلت أمها معها للبيت على ما بدلت البنت ملابسها جت امها بتطلع وتصييح العروس لا تروحين
سفهت الرجل وصاحت لين نامت.. قامت من النوم والين الشوشه منتفشه راحت تدور لها على مشط في محاوله لانقاذ ما يمكن انقاذه
بس ما لقت لها مشط وقعدت بشوشتها لين صار المغرب وراحت لامها: يمه ليش ما حطيتي لي مشط فشلتيني قدام الرجال
&&&&&&&&&&&&&&&&&
سافرنا ورجعنا وانا لازلت استحي اكل قدامه ومره واحنا نايمين ما قدرت انام من الجوع صوت مصراني يجيب آخر الشارع
احتريته الين نام وأقوم للمطبخ.. افتح الثلاجه واخذ لي صحن حطيت لي فيه جبن وزيتون وقعدت بالمطبخ اكل
فجأه القى الأخ معدي من قدام الباب يطالع فيني يضحك ويروح
&&&&&&&&&&&&&&&&&&
تقول.. بليلة العرس في الفندق بتقطع من زود الحيا
ما نطقت بكلمه ولا رفعت راسي لين انعسرت رقبتي
والرجال مل من كثر ما يحتري وانا ماعندي نيه أتحرك والا أغير ملابسي
يوم تلحلحت واقوم باخذ ملابسي والين الشنطه ماهيب فيه واستحيت أقوله، يوم قلت له حسيت ان وده يسطرني
- نامي ببجامتي
وانا مقهوره على طقمي اللي ما لبسته .. يافرحه ما تمت
&&&&&&&&&&&&&&&&&&
بشهر العسل مادري وش اللي جاني.. هو حيا بااايخ هو سخافه مدري وش السالفه
المهم اني طفشت الرجال معي.. قليلة الكلام.. قليلة الاكل
ما آكل ما آآكل
- وش تحبين تاكلين؟
- ما أشتهي
كل يوم على هالحال.. يجيب الاكل عندي وما آكل
في يوم وداني مطعم كشخه على باله بيشجعني
- شوفي ترا غصب عنك بتاكلين.. وش اطلب لك _ قالها وهو معصب _
- أبي كيك
- نعم
- كككـ كيك
- الحين جايبك هنا عشان تقولين أبي كيك
عاد الحين كل ما يتذكرون هالموقف يضحك عليها وهي تحلف له والله كنت مشتهيه كيك
وهو يقول لها كنت أحسب ان اهلك غاصبينك علي
&&&&&&&&&&&&&&&&&
يوم الزواج وقبل الزفه كنت بغرفه ومعي امي و اخواتي وصديقاتي.. فجأه.. العريس جاااا ويدعسووون كلهم وامي معهم
هو دخل وانا ملتفته على مرايه وراي وطايحه ضحك _ اذا استحيت أضحك _ هو تفاجأ بشكلي وقام يضحك
ومن الحيا راح جهة المرايا على باله بيضبط شكله قام يضحك زود ويقول لي وش ذا
_ وشو
_ شوفي يرقصون
_ دبجته على ظهره.. وجع وشو له تناظر
- خخخخخ وش تبيني أسوي يعني
طلعت المرايا عاكسه.. والبنات الله يعطيهم العافيه مدهرين خخخخخ
وهذي بعد نشف بطنها بشهر العسل ما تاكل _ ياحياتي هو الأكل شي يفشل _ وكالعاده تستحي تطلب
واذا مره مررره أكلت شوي وقالت شبعت
ذاك اليوم ما طلعوا يتعشون، وجاب لهم وجبتين ماك دونالدز حطهم بالغرفه ونزل تحت مدري وش يبي
يوم طلع وش يشوف الاخت في الله مخلصه على وجبتها في دقيقتين
&&&&&&&&&&&&&&&
تونا داخلين البيت على الفجر.. شوي ما ادري الا وأهلي عند الباب خير ان شا الله
من زود المحبه ماخذه مفاتيح بيتهم معي
&&&&&&&&&&&&&&&&
راجعيين للغرفه على السرير خلاص نبي ننام وهو ماسك الجوال يكلم وانا جمبه فجأ ما أشوف الا الرجال ساد خشمه ويهوي بيدينه
ويطالع فيني
حسيت ان الموضوع فيه اتهام _ والحقيقه انه كان صادق _
حاولت اني ابرء نفسي وأحلف له واللللله مو أنا والله
وهو مسكين ما قال شي.. بس لسان حاله يقول اذا مو أنا ولا انتِ مين بيكون
&&&&&&&&&&&&&&&&
كنا ما خذين جناح في الفندق.. وجيت أبي أغير ملابسي بس ماني مغيره عنده، وعلى بالي بروح مكان بعيد رحت الحمام بتاع المجلس
دخلت وبفك الفستان الا وينشب السحّاب وحست حووسه أبي أحد يساعدني
قمت أنادي أبيه يسمعني ما رد طلعت برا وناديته
- بلاشي هالحركات كان من الأول ناديتي مو تروحين هناك وتنادين
- ما كان قصدي بس الـ..
- آها
يوم فك السحّاب وأركض مره ثانيه للحمام على بالي ما شاف شي
&&&&&&&&&&&&&&&&
تونا طالعين من الزواج للفندق.. اول شي سويته أبي افك التسريحه وانواااع الصداع
وحست فيها حوووسه كل شوي مطلعه بنسه_ مدري وش تسمونها _ المهم جا يبي يفزع وانتهت المهمه وانتفشت الشوشه
دخلت باخذ شاور.. ويوم طلعت..
- تدرين كم بنسه في شعرك
-كم
-131
&&&&&&&&&&&&&&&&&
هذا واحد بليلة عرسه أرسل أخوه لغرفة الفندق يودي له أغراضه.. طبعا أخوه انتهز الفرصه وبدت اللعانه
جاب معه ساعه " خرّاشه" ويوقتها على الساعه مدري كم ويحطها فوق الدولاب لا من شاف ولا من دري
ويجيك العريس هو ويا العروس ياحياتي وتوهم بينامون الا الصووت يشيل الغرفه pb030 والا دهى والامر النه ما يدري وين مصدرها قعد يحووس الين لقاها
[&&&&&&&&&&&&&&&&
دخلنا الغرفه ومن الحيا ما غيرت ملابسي الرجال راح يصلي الفجر ويوم رجع
- رحت أصلي وجيت وانتي ماغيرتي
ضاع وجهي طبعا.. ودخلت بغير وطلوّلت قاعده أدور لي على قميص عادي مستحيه ألبس الرسمي
وهو يطق علي الباب
- وش تسويين انتِ؟ تبيني أساعدك
يوم طلعت له ارتاع
- لا مو هذا قميصك تعالي أوريك اياه
- لا خلاص مابي
رحنا نبي ننام قلت له: أنت نام على السرير وأنا على الارض أصريت على موقفي وهو رحمني وقال بكيفك
تعبت من الارض راح قال لي: تعالي على السرير والله العظيم مثل الاخوان
&&&&&&&&&&&&&&&&&&
هذي نفس الشي.. تقول كنت أستحي آكل وهو كان حاس اني مستحيه
ذاك اليوم جالسين وطلب الاكل وحضرته طالب فَرخه ويالله اني مديت يدي على الفخذه
- لا خلي هذي أبيها _ على باله بيطيح الميانه _
حقدت عليه
&&&&&&&&&&&&&&&&&
هذي وحده ما شافت زوجها قبل ليلة الدخله.. أول ما دخل عليها قالت: كل هذا لي
كان الرجال مرره طوويل
&&&&&&&&&&&&&&&&&&
كنا جالسيين بالصاله وأنا لسى بفستاني.. والأخ مسوي لي فيها رومنسي والا بيوديني للغرفه وهو شايلني
- يابن الحلال ماله داعي
- لا ماعليك.. لازم أشيلك
سم بالله وشالني الا وأنا .. طاااااخ طحت من يدينه وراسي صقع بالطاوله
دخلت الغرفه وانا ماده البوز وحابسه دموعي..اخخ بسس
من أول ما يطق العريس بيت أبوك الين يسحبك من يدك لعش الزوجيه
ويبدأ الهني موون وياعيني عاللي بيحصل
تمر مواقف كثير.. تضحك تبكي أحيا نا ودك الارض تنشق وتبلعك من زود الفشيله
بعد فتره تبقى كلها ذكريات.. ولازم نضحك عليها
هذي بعض المواقف اللي سمعت عنها.. ان شاء الله تعجبكم
وانتبهوا يا بنات لازم تاخذون احتياطاتكم.. ومع كذا ما ينفع
نسيت أقول.. لا يسمح بمشاهدة الموضوع لمن هم أقل من 18 سنه
تونا طالعين من القاعه وداخليين الغرفه.. واخذ زوجي الجوال وبدا يكلم ويقول " ياشباب أهم شي أبو سهم.." " لا تنسون أبو سهم.."
ويعيد ويزيد على حكاية أبو سهم أنا جتني النفاضه وشو أبو سهم ذا من أولها
ماقدرت أجلس ولا أسوي شي.. وشوي وأصيح خايفه من أبو سهم
شوي والين الباب يطق.. حطيت يدي على قلبي
راح يفتح الباب.. ويوم رجع والينه شايل بيدينه العشاء + علكة أبو سهم
&&&&&&&&&&&&&&&&&
هذي وحده أول ليلة بعرسها دخلت أمها معها للبيت على ما بدلت البنت ملابسها جت امها بتطلع وتصييح العروس لا تروحين
سفهت الرجل وصاحت لين نامت.. قامت من النوم والين الشوشه منتفشه راحت تدور لها على مشط في محاوله لانقاذ ما يمكن انقاذه
بس ما لقت لها مشط وقعدت بشوشتها لين صار المغرب وراحت لامها: يمه ليش ما حطيتي لي مشط فشلتيني قدام الرجال
&&&&&&&&&&&&&&&&&
سافرنا ورجعنا وانا لازلت استحي اكل قدامه ومره واحنا نايمين ما قدرت انام من الجوع صوت مصراني يجيب آخر الشارع
احتريته الين نام وأقوم للمطبخ.. افتح الثلاجه واخذ لي صحن حطيت لي فيه جبن وزيتون وقعدت بالمطبخ اكل
فجأه القى الأخ معدي من قدام الباب يطالع فيني يضحك ويروح
&&&&&&&&&&&&&&&&&&
تقول.. بليلة العرس في الفندق بتقطع من زود الحيا
ما نطقت بكلمه ولا رفعت راسي لين انعسرت رقبتي
والرجال مل من كثر ما يحتري وانا ماعندي نيه أتحرك والا أغير ملابسي
يوم تلحلحت واقوم باخذ ملابسي والين الشنطه ماهيب فيه واستحيت أقوله، يوم قلت له حسيت ان وده يسطرني
- نامي ببجامتي
وانا مقهوره على طقمي اللي ما لبسته .. يافرحه ما تمت
&&&&&&&&&&&&&&&&&&
بشهر العسل مادري وش اللي جاني.. هو حيا بااايخ هو سخافه مدري وش السالفه
المهم اني طفشت الرجال معي.. قليلة الكلام.. قليلة الاكل
ما آكل ما آآكل
- وش تحبين تاكلين؟
- ما أشتهي
كل يوم على هالحال.. يجيب الاكل عندي وما آكل
في يوم وداني مطعم كشخه على باله بيشجعني
- شوفي ترا غصب عنك بتاكلين.. وش اطلب لك _ قالها وهو معصب _
- أبي كيك
- نعم
- كككـ كيك
- الحين جايبك هنا عشان تقولين أبي كيك
عاد الحين كل ما يتذكرون هالموقف يضحك عليها وهي تحلف له والله كنت مشتهيه كيك
وهو يقول لها كنت أحسب ان اهلك غاصبينك علي
&&&&&&&&&&&&&&&&&
يوم الزواج وقبل الزفه كنت بغرفه ومعي امي و اخواتي وصديقاتي.. فجأه.. العريس جاااا ويدعسووون كلهم وامي معهم
هو دخل وانا ملتفته على مرايه وراي وطايحه ضحك _ اذا استحيت أضحك _ هو تفاجأ بشكلي وقام يضحك
ومن الحيا راح جهة المرايا على باله بيضبط شكله قام يضحك زود ويقول لي وش ذا
_ وشو
_ شوفي يرقصون
_ دبجته على ظهره.. وجع وشو له تناظر
- خخخخخ وش تبيني أسوي يعني
طلعت المرايا عاكسه.. والبنات الله يعطيهم العافيه مدهرين خخخخخ
وهذي بعد نشف بطنها بشهر العسل ما تاكل _ ياحياتي هو الأكل شي يفشل _ وكالعاده تستحي تطلب
واذا مره مررره أكلت شوي وقالت شبعت
ذاك اليوم ما طلعوا يتعشون، وجاب لهم وجبتين ماك دونالدز حطهم بالغرفه ونزل تحت مدري وش يبي
يوم طلع وش يشوف الاخت في الله مخلصه على وجبتها في دقيقتين
&&&&&&&&&&&&&&&
تونا داخلين البيت على الفجر.. شوي ما ادري الا وأهلي عند الباب خير ان شا الله
من زود المحبه ماخذه مفاتيح بيتهم معي
&&&&&&&&&&&&&&&&
راجعيين للغرفه على السرير خلاص نبي ننام وهو ماسك الجوال يكلم وانا جمبه فجأ ما أشوف الا الرجال ساد خشمه ويهوي بيدينه
ويطالع فيني
حسيت ان الموضوع فيه اتهام _ والحقيقه انه كان صادق _
حاولت اني ابرء نفسي وأحلف له واللللله مو أنا والله
وهو مسكين ما قال شي.. بس لسان حاله يقول اذا مو أنا ولا انتِ مين بيكون
&&&&&&&&&&&&&&&&
كنا ما خذين جناح في الفندق.. وجيت أبي أغير ملابسي بس ماني مغيره عنده، وعلى بالي بروح مكان بعيد رحت الحمام بتاع المجلس
دخلت وبفك الفستان الا وينشب السحّاب وحست حووسه أبي أحد يساعدني
قمت أنادي أبيه يسمعني ما رد طلعت برا وناديته
- بلاشي هالحركات كان من الأول ناديتي مو تروحين هناك وتنادين
- ما كان قصدي بس الـ..
- آها
يوم فك السحّاب وأركض مره ثانيه للحمام على بالي ما شاف شي
&&&&&&&&&&&&&&&&
تونا طالعين من الزواج للفندق.. اول شي سويته أبي افك التسريحه وانواااع الصداع
وحست فيها حوووسه كل شوي مطلعه بنسه_ مدري وش تسمونها _ المهم جا يبي يفزع وانتهت المهمه وانتفشت الشوشه
دخلت باخذ شاور.. ويوم طلعت..
- تدرين كم بنسه في شعرك
-كم
-131
&&&&&&&&&&&&&&&&&
هذا واحد بليلة عرسه أرسل أخوه لغرفة الفندق يودي له أغراضه.. طبعا أخوه انتهز الفرصه وبدت اللعانه
جاب معه ساعه " خرّاشه" ويوقتها على الساعه مدري كم ويحطها فوق الدولاب لا من شاف ولا من دري
ويجيك العريس هو ويا العروس ياحياتي وتوهم بينامون الا الصووت يشيل الغرفه pb030 والا دهى والامر النه ما يدري وين مصدرها قعد يحووس الين لقاها
[&&&&&&&&&&&&&&&&
دخلنا الغرفه ومن الحيا ما غيرت ملابسي الرجال راح يصلي الفجر ويوم رجع
- رحت أصلي وجيت وانتي ماغيرتي
ضاع وجهي طبعا.. ودخلت بغير وطلوّلت قاعده أدور لي على قميص عادي مستحيه ألبس الرسمي
وهو يطق علي الباب
- وش تسويين انتِ؟ تبيني أساعدك
يوم طلعت له ارتاع
- لا مو هذا قميصك تعالي أوريك اياه
- لا خلاص مابي
رحنا نبي ننام قلت له: أنت نام على السرير وأنا على الارض أصريت على موقفي وهو رحمني وقال بكيفك
تعبت من الارض راح قال لي: تعالي على السرير والله العظيم مثل الاخوان
&&&&&&&&&&&&&&&&&&
هذي نفس الشي.. تقول كنت أستحي آكل وهو كان حاس اني مستحيه
ذاك اليوم جالسين وطلب الاكل وحضرته طالب فَرخه ويالله اني مديت يدي على الفخذه
- لا خلي هذي أبيها _ على باله بيطيح الميانه _
حقدت عليه
&&&&&&&&&&&&&&&&&
هذي وحده ما شافت زوجها قبل ليلة الدخله.. أول ما دخل عليها قالت: كل هذا لي
كان الرجال مرره طوويل
&&&&&&&&&&&&&&&&&&
كنا جالسيين بالصاله وأنا لسى بفستاني.. والأخ مسوي لي فيها رومنسي والا بيوديني للغرفه وهو شايلني
- يابن الحلال ماله داعي
- لا ماعليك.. لازم أشيلك
سم بالله وشالني الا وأنا .. طاااااخ طحت من يدينه وراسي صقع بالطاوله
دخلت الغرفه وانا ماده البوز وحابسه دموعي..اخخ بسس