قصيدة مشهورة وهي لشاعر سعد بن جدلان

[خالد الحارثي]

السلام عليكم

مساكم الله بالخير

أطلب من الأخوان أو من أعضاء منتدى ينبع اللي يعرف قصيدة الشاعر سعد بن جدلان

أسم القصيدة هي انـــــــــــا بــــــــــــــدوي واللي يعرف القصيدة لايبخل علينا

والي قد شافها في موقع يقولي أسم الموقع لاهنتوا ياأعضاء المنتدى

وشكرا

الحارثي

[رحــال]

هلا أخوي خالد الحارثــي أسعدني تواجدك معنا.. ابشر بسعدك راح ابحثلك عن القصيده وهي قصيده مشهوره..

حياك الله معنا

هذا موقع خاص لشاعر سعد بن جدلان ولكن لاتوجد هذه القصيده حالياً فيها بعد التحري والبحث

http://www.abyat.com/poem_index.php?id=121


تحياتي لك..

[خالد الحارثي]

شكرلك أخوي رحال والله أنك ماقصرت

والله يوم كتبت الموضوع وشفت ماحد رد علي زعلت

لكم دور لي قصيدة سعد أنا بدوي تفكى أخوي رحال في أسرع وقت وشكرا

[رحــال]

هلا اخوي الحارثي وابشر بس لو تقول مين الشاعر.؟

[خالد الحارثي]

[all1=#FF0000][مكتوب ياخوي رحال فوق أسم الشاعر سعد بن جدلان الأكلبي [/all1]

[خالد الحارثي]

أخوي رحااااااااااااااااااال وينك مارديت علي ليش

عسى ماشر

ويقولون من طول الغيبات جاب الغنائم

وارجو أنك إذا كنت تعرفها أكتبها أو قولي موقع أجدها فيه

والأخوان الثانيين ليش ماتردون أكثر من واحدا داخل الموضوع ومارد

تقولون مافي الموقع إلا انا ورحال

وشكرا

[الدوسري]

اخوى الحارثي صراحة انا بحثت عن القصيدة ولم اجدها لكن انشاءاللة اجيبها لك عن قريب والي ذاك الحين اتركك مع مختارات اعجبتني من قصائد بن جدلان:



[poet font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=350% align=center use=ex length=0 char="" num="0,black" filter=""]
زاومني الهاجوس ملعون أبو الأهـل
يقول البيوت العصم و يـاك و ياهـا
لا عيّنت كلمة قلت يضرب بها المثـل
لقينـا وراهـا كلمـة كنهـا إياهـا
ما تنجح مدارس فلسفة علم في جهل
و العربان ما كلٍ يقدر يكسب رضاهـا
يحاول قدر الإمكان يعني على الأقـل
يدخل في مفاهيم العرب يكسب اصغاها
[/poet]

أصحاب طنش تعش و إيزي عادي شباب

[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=350% align=center use=ex length=0 char="" num="0,black" filter=""]
أصحاب طنش تعش و إيزي عادي شباب
يا لعنبو من حسب منهم خليل وفي

و الله ان سبع الفواسق فوق وجه التراب
أطهر من سهومٍ لا تنّطح و لا تنقضي

اللب ما يطبع إلا في قلوب اللباب
و هزمة عدوٍ مبين و لا عدوٍ خفي

[/poet]

[خالد الحارثي]

مشكور أخوي الدوسري والله أنك ماقصرت

[غيث]

مسا الخير ياالربع:

إبن جدلان ظاهره شعريه. لايمكن تتكرر.
ولايمكن تمر علي أبيات ابن جدلان دون أن
أقف أمامها،،،،،،،،،،،،،،،،،،،،،،،،


أخترت لكم بعض أبياته اللي حافظها وهي من أروع ماكتب:

* يآخي الشاعر ترى مافوق راسك ريشه = ماتحتك إلا ظلالك ترمحه وتهبده
* مو مهم تمدح لك رجل لأجل تطلب عيشه = المهم إن المشاهد يفهمون الزبده
* الآدمي لولا المكارم والأخلاق = كاالحنظله من عرقها لا ورقها
* سعادة الرجل الكرامه بدنياه = لو ماعليه إلا سمايل هدومه
* يفرح محبينه ولا يفرح اعداه = والناس مااحدن ميت ن قبل يومه
* ياما كتبنا لائحات أمجاد من لاهمنا = ولا تعود غير براق السعد يبرالها
* وياما كتبنا لائحات أمجاد باآقصى جدنا = ويادوب صح الله لسان الشاعر اللي قالها
*مايشاف الرجل باالعين الوسيعه = كود لامنه فزع لعيال عمه
* بعض الرياجيل يطمع به ويلقابه = مهما أغتنوا عنه عادوا له فقاريني
* مثل الجبل ينلقى به مطمع ذيابه = يركض به الذيب لين يعود حصيني
*تدري وش مسبب القالون والجلطه = وتدري وش اللي مخلي عارضي شايب
* وتدري وش الغلطه ليا قالوا الغلطه = لاصرت مؤمن وتآمن واحدٍ خايب
* دقون في سد اللزوم معذوره = وادقون ماتعذر ليا طول الماد
* زادت الحمى ورحنا للمداوي = والمداوي زود الحمى مليله
* عباد ن مغفلها الزمان واتعجبي = يحسبون قل المال باالرجل عذروبه
* هدور المجالس راعي المدح والسبي = وهو باالخلا لو جاه بنت ٍ خذت ثوبه

[سطام المسردي]

السلام عليكم ورحمة الله وبركاته

هذا الرابط بيفيدك خاصة انه منتدى خاص لسعد بن جدلان ضمن منتدى قبيلته
وبالتالي انشاء الله تلقى جميع قصايد سعد بن جدلان فيه


http://aklob.net/vb/forumdisplay.php?f=29

ولكم بعض القصايد اللي احفضها للشاعر الكبير ابن جدلان

~~ خارطة الطريق ~~





يا ذا الجلال اللي عروشك فوق واملاكك حدر
ومهماً تسامت به عروشه مستحيل يطولهـا
يا حـي يـا قيّـوم يـا ذا الأنافـة والكبـر
ما نافسك في عظمتك مكر العبـاد وهولهـا
وما نافسك من عمّر بيوته على سطح القمـر
واللّي ترسي فوق اقاليـم الميـاه سطولهـا
ما انته بحاجة من عبد ولا بحاجة مـن كفـر
ولا بحاجـة ثابـت الدنـيـا ولا منقولـهـا
أنت السميع لمن حمد وأنت المزيد لمن شكـر
واللي ما يشكر نعمة المنعم عليـه تزولهـا
ياذا الجبروت العظيـم ويـا القديـر المقتـدر
تفزع لنا في معضلات مـا نريـس حلولهـا
تلعب بنا خلاّن فرغتنـا كمـا لعـب الكـور
أن اقبلت صاحوا لها وأن دبّرت صاحوا لهـا
لا هبّنا الطايف بعض الأحيان في فية عصـر
شهب الليالي مـن ورانـا يسحبـن ذيولهـا
أنت السلام اللي لك الإسلام وانت المشمخـر
اللي عجايب قدرتك فـي المعجبيـن ذهولهـا
سلام يا محمد رسول الله راعي الوجه الأغـر
وسلام يا روح ملائكـة السمـا صلّـوا لهـا
سلام يا بو بكر يا عثمان يـا علـي وعمـر
وسلام يا سبع الآفـاق أطلالهـا وسفولهـا
سلام يا صدق النوى سلام يا وسـع الصـدر
سلام يـا مفتـاح بيبـان الفـرج وقفولهـا
وسلام يا شمس الضحى تشرق على بر وبحر
وتشرق على كل الديـار جبالهـا وسهولهـا
وسلام يا غر السحاب اللـي تبجـح بالمطـر
وشم الجبال اللي تبجـح بالسحـاب قذولهـا
وسلام يا هوج الرياح اللي عطاهـا مستمـر
مهما خذوا منها من الحسنات مـا ردوا لهـا
ليت الرحاب اللي لنا بوجيههـا حـق وقـدر
ما تضمحل من الزمان ولا نشوف سمولهـا
و ياليتنا لاما سرحنا اليوم الأبيض من فجـر
تبطي عبات الليل ما تضفي عليـه سدولهـا
ولاّ ليامنهـا ضفـن سدولهـا يطلـع بـدر
يا صل ضياه اللي على الكوره تطق طبولهـا
المعتبر يآخذ على الدنيا دروس مـن العبـر
والنـاس يكسبهـا معاملهـا بقـد عقولهـا
أحيان تصدف لعبة الشاطر مع غلطـة عمـر
مره .. لكن لا عدت الغلطة ما عـاد ينولهـا
حنا عرفنا كلنا ما طـال مـن شـيء قصـر
والأحلام ماتوا قبلنا شرهين ما وصلـوا لهـا
حتى الجمال اللي تحمّلها الهقـاوي بالصبـر
يالله بحملتهـا تقـوم وتــدّرج بحمولـهـا
والحب سيسـان العبـادة والعبـادة بالجهـر
ان ما قدرت تقولها وجـه الصحيـح يقولهـا
يسرون عميان المحبة تيه في غـدرا الغـدر
للي تحـد سيوفهـا واللـي تعـن خيولهـا
ولا تفكر فـي غنـاة ولا تفكـر فـي فقـر
وتشفع لبيضان الصدور احضوضها وفعولهـا
واهل التكلف بالمعرفـة والتصنـع بالبشـر
والله ما هي حول الصحيح ولا الصحيح بحولها
اللي يفضّل ما يقيم بو ميه مـن بـو عشـر
حتى الفضولية عن الفاضـل بطـل مفعلوهـا
اللي تخبره لحيته ذا ..طولهـا يصبـح بـزر
واللي تخبره بزر يصبح لحيتـه ذا ..طولهـا




...........................................
الا يالهبـوب البـاردة عجـلـي هـبـي
على جاش مـن قامـت هواجيسـه تلوبـه
انـا مـرةٍ اصـحـى ومــره يغيـبـي
واسـرح معـا كثـر الطـواري بغيبوبـه
الا يادهـر مـا هـو بـحـقٍ تلاعـبـي
وخليتـنـي لمـقـرد الخـلـق لعبـوبـه
عـبـادٍ مغفلـهـا الـزمـان وتعجـبـي
يحسبون قـل المـال فالرجـل عذروبـه
وانـا قانـعٍ باللـي علـي كاتبـه ربـي
ومؤمـن بمقـدوره وقـانـع بمكتـوبـه
ولا ابغى عمـى الاريـا برايـه يجربـي
وهو ما عرف ماجوب ربي ومـا جوبـه
هدور المجالـس راعـي المـدح والسبـي
وهو بالخلا لو جـاه بنـتٍ خـذت ثوبـه
يقولون لي تـب مـن تصرفـك وتحبـي
وهي توبتي مـن مجتمعهـم هـي التوبـه
ديـار الوبـا مـن طبهـا راح متـوبـي
وقرابة الجربـا علـى الحـول مجروبـه
انا عارفٍ منصـاي ليـا مـن بـدا نبـي
وعارف طريقي والـذي باتجـه صوبـه
وانا اعرف من اعادي وانا اعرف من احبي
وبه نـاس لاتعـرف ولاهـي بمحبوبـه





.................................................. ......



المـــمـــاشـــــــي

لاتخالفت المماشـي تخالفـت الـدروب
مـع مـن يعنيـك ويقـدرك وتـقـدّره

والبشر محدٍ على شف غيره بمغَصوب
مـن بغالـه شعـب فيسنـده ويحّـدره

والأدمي ماهوب يدري بسـدات الغيـوب
وارد المـا مايدلّـه يـاكـود مـصّـدره

ولا تجيك الحصبه الا من فراش امحصوب
وحبة الجدري تجي من فـراش مجّـدره


...........................................

آه يا قلب ياللـي دايـمٍ فـي ذهـول
والله انه ثقيـلٍ ليـن جـوه الثقـال
يا قطـاة العبيّـه يـا هيـام الذلـول
يا عيون النداوي يـا رقبـة الغـزال
نور وجهك على من شاف منك القبول
نور صبحٍ تبسّم فـي رهـاد الجبـال
كنّي اقرا على طـرّت جبينـك تقـول
انا قلبـي يحبـك يـا حبيبـي تعـال
كان قدّمي حدٍ فالحـب راح امهبـول
والله انه خطيـرن لا يجينـي اهبـال
المحبـه جملهـا مرسـلٍ وامعقـول
لعنبو من يقـول ان المحبـه اخبـال
والذي ليلة الاسراء عرج بالرسـول
ان حبك لحال وحـب غيـرك لحـال




............................



إحـــدة قصائــــده الجميله
بدون نقط ....







مع الهم والوسواس والسهر والولـوال
ادله هموم الصـدر والصـدر مادلـه
سهوم الوساع السود لأهل الهوى سلال
لاسلهـم سلهامـه سهـوم مرسلـه
أحاول على حلو الحـلا وهـو محـال
وحاول ودار الحـول وعملـه عملـه
هو اللولوه وهو الدراهم ورأس المـال
وما لاملك لـه لولـوه لاحـلال لـه