حفلة براعم الغد

[هوى جده]

يا اخوات مين راح حفلة براعم الغد اش رايكم فيها كان نفسي اروح بس ما مداني

[هوى جده]

معقول مافي احد راح

[ارشيف]

انا رحت مع جارتي ولدها هناك مرررره الحفله مهي حلوه صراحة مهي منظمه مافي ترتيب المكرفونات خربانه البروجكتر خربان هدا غير انو جلسنا نستنا في الشارع ساعه على ما فتح المسرح يعني حقون المدرسه ما جو والحفله تبدا 8 وهمه جوا 8 مني فاهمه وطبعا احنا جيين من بدري ولمن دخلنا جلسنا طبعا نستى في الحر والشمس على ما فتحوا الباب والمكيفات حاره خساره والله والاطفال تحسيهم مهم متمكنين من الفقرات ندمت اني رحت

[الفجر الطويل]

السلام عليكم يسعدني اني اكون اول وحده ترد روضة براعم الغد من افضل الروضات الي عرفتها وفيها افضل معلمات عندهم اخلاص لعملهم وامانه

واخص بذكر معلمة ابنتي نشوى جزاها الله الف خير غير ابله ندى تشوفين حبها للاطفال في عيونها هي وحبيبة الاطفال ابلة رمانه بس للامانه المديره ماعرفها بنتي الي قبل كانت موجوده عائشه القرني اما المديره الجديده معرفتها

اما بنسبه للحفل من جد منظم ومرتب والاطفال زي الورود والضيافه من احسن مايكون وتلاقيهم كلهم يد وحده مافي احد متذمر بس لو ماخذلهم البرجكتر واشتغل قبل نهاية الحفل بس عطله مااثر في الحفل ابدا

واحب اشكر كل معلمه واداريه على حبهم للاطفال واهتمامهم بتعليمهم واقول جزاكم الله الف خير عني وعن ابنتي

واعتذر لروضه في حال اني خطيت في حقها مره

[فؤاد]

الخدمات الاجتماعيه ما تسلم لاي جهة مستأجره المسرح الا الساعه الثامنه والربع .صباحا ....لانه دوام الاداريات في مسرح المرجان 8 .... ثاني مره لا تنفجعوا وتجوا من بدري ...!

[ارشيف]

بالفعل المعلمات ممتازات وتاسيسهم كويس محد قال شي بالعكس بس معليش كتير امهات ما عجبتهم الحفله وكان التذمر واضح مع انو العام الحفله مره كانت حلوه ومرتبه
واننا رايحين بدري معليش محنا مفجوعين الحمد لله العام ولدي كان في الروضه العام وفي الحفله كاتبين تبدا من 8 ورحنا 7 ونص والمسرح كان مفتوح وماشاء الله ما لقينا اماكن قدام من الزحمه شي طبيعي انو الامهات بعد كده حيجو بدري ولعلمك مكتب الهيئه رجالين معاهم مفاتيح المسرح كان واقفين من 7 وربع بيستنو الاداريات يجوا علشان يفتحوا الباب والابهات يسالوهم يقولولهم بنستناهم الى الساعه 8 والابهات عندهم دوامات طبعا ومعليش الي شاف وكان في الموقف مو زي الي يتكلم وم اشاف شي ولمن همه قايلين الحفله تبدا 8 ومايجوا غلطة مين دي المفروض يكونوا من بدري هناك يفتحوا المكيفات يضبطوا المكرفونات اشيائهم حتى الحفله بدات 9 وربع يعني لو كانت في المسا كان احسن وفعلا البنات مره فساتينهم حلوه كانوا زي الورود

[هوى جده]

ايوه صراحة حفلة العام مره كانت حلوه بنتي كانت فيها علشان كده كنت متحمسه نفسي اروح
غريبه ليه كده السنه حتى سمعت من صحباتي مره ما عجبتهم وزعلانين يقولوا مافي مسيره وسار فوضى نهاية الحفله خساره والله و شفت فساتين البنات مره عجبتني تعرفوا مين المشغل الي مخيطها ؟ ياريت الي يعرف يدلني

[شوكولاته]

السلام عليكم
انا رحت الحفله دي السنه وبنتي كانت فيها ،بصراحه ماعجبتني !!
احس انهم مهم مرتبيين من قبل الديكورات مرتبه وحلوه والفقرات يعني !!
ايوا صح حتى المكرفونات والبروجكتر سيئين
بس الفستان الحمد الله طلع حلو وعجبني مرا، سألت ابله بنتي على الفستان وين خيطوه قالتلي محل في جده اسمو بيبي فلور على شان ابغه اخيط لاختها زيو انشاءالله لمن انزل جده بروح اخيط .
آصلاً الروضه ماهي عاجبتني بس ابو بنتي الله يهديه إلا يبغاها فيها !
.
.
وشكراً

[روح مبللة]

ماكانت سيئة لهذي الدرجة في كانت فقرات رائعة زي فكر فكر يمحمد فقرة الام كانت الافضل لكن خسارة البرجكتر والمايكات

وخسارة مافي مسيرة يمكن عشان عددهم كثير والا لسبب تاني ضيافتهم كانت حلوة وفساتينهم مميزة

اما بنسبة لوقت الحضور في البطاقات 8 او 8 ونص ليه تروحو قبل وتتذمرو

انا داخلته 8 وخمس دقايق وفيه ناس عموما الحفله عجبتني والناس اذواق

وإرضاء الناس غايه لا تدرك

[لموش]

يالله مبروك عليهم حيروحو سنه اولى

[شوكولاته]

رحنا بدري لانو سمعنا انو السنه الي فاتت كانت زحمه الحفله والناس من 6 ونص وهما في المسرح ،فقلنا نروح بدري ونجلس في الصفوف الاولى ، والمفروض يكون المسرح مفتوح من بدري لانو فيه حفله !!
من جد الناس آذواق

[ميساء]

عزيزاتي الي بتسأل عن فساتين الحفله احنا الي عملناها
مشغلي اسمو baby flower في جده انا اصمم فساتين اطفال عندي فساتين جاهزه والان انا في ينبع الى يوم السبت الي يحب يتصل عليه 0567735360

[فؤاد]

المشاركة الأصلية كتبت بواسطة ميساء

عزيزاتي الي بتسأل عن فساتين الحفله احنا الي عملناها
مشغلي اسمو baby flower في جده انا اصمم فساتين اطفال عندي فساتين جاهزه والان انا في ينبع الى يوم السبت الي يحب يتصل عليه 0567735360

براعم الغد ما انصح احد فيها صراحة

http://www.yanbu1.com/vb/showthread.php?t=53320



انت اذا اكرمت اللئيم ...................بجد حريم.

[ميساء]

الله يسامحك مح ارد عليكي الناس اذواق عزيزتي وكل واحد حر في رايو روحي اسالي عني
قبل ما تتكلمي عليه وانتي من فين تعرفيني علشان تقولي عليه كده
صحيح من جد كل من يرى الناس بعين طبعوا
اذا هذا مثلك فهذا طبعك ........... وانتي حرمه برضو .
ما اقول غير حسبي الله ونعم الوكيل لا حول ولا قوة الابالله

[أم جواد]

ياأخواتي والله الروضه أكثر من رائعه بس المتوقع انها حصلت ظروف خارجه عن ارادتهم والله المديره عسل ومحترمه والطاقم كامل من كله من أخلاق وتعامل وتطور بس زي مايقولو غلطة الشاطر بألف والله هما أثبتو نفسهم من سنين موعلى حفله حصل فيها موقف خلاص نطلع فيهم عيوب الدنيا الله يبيض وجوههم وماقصرو والله يعلم انهم بيتعبو عشان يطلعوبأحسن صوره الله يوفقكم ياروضة براعم الغداليوم ودوم أنتو أكبرمن أي كلام لأن مستواكم معروف مو من اليوم من زمان